४ आश्विन २०७८, सोमवार

कुशल र रोहितको उत्कृष्ट ब्याटिङमा नेपालद्वारा अमेरिका ५ विकेटले पराजित

२०७८,भाद्र,२८,सोमवार २३:५४


काठमाडौं। आईसीसी विश्वकप क्रिकेट लिग-२ अन्तर्गत नेपाल र अमेरिकाबीच खेलिएको पहिलो अन्तराष्ट्रिय एकदिवसीय खेलमा नेपालले अमेरिकालाई ५ विकेटले पराजित गरेको छ।

ओमानको राजधानी मस्कटस्थित अल अमेरट क्रिकेट मैदानमा भर्खरै सम्पन्न डे-नाइट खेलमा नेपालका लागि ओपनर कुशल भुर्तेल र मिडल अर्डर ब्याट्सम्यान रोहित पौडेलले अर्धशतकिय पारी खेल्दा नेपालले प्रतियोगिताको पहिलो खेलमा जित दर्ता गरेको हो। नेपालका लागि भुर्तेलले सर्वाधिक ८४ रनको पारी खेल्दा पौडेलले अविजित ६२ रन बनाएका थिए।

Rohit Paudel slices one away, UAE v Nepal, Dubai, January 26, 2019

त्यसअघि टस जितेर पहिले ब्याटिङ गर्ने निर्णय गरेको अमेरिकाले निर्धारित ५० ओभरमा ९ विकेट गुमाएर २३० रनको बलियो योगफल तयार गरेको थियो। अमेरिकाका लागि टप अर्डर ब्याट्सम्यान मनांक पटेलले सर्वाधिक १०० रन बनाएका थिए।

नेपालका लागि भने स्पिनरद्वय सन्दीप लामिछाने र सुशन भारीले व्यक्तिगत १० ओभरमा निकै किफायती बलिङ गर्दै समान २-२ विकेट लिन सफल भएका थिए। त्यस्तै तिब्र गतिका बलर विक्रम सोबले २ विकेट लिंदा कुशल मल्लले १ विकेट लिन सफल भएका थिए।

May be an image of 2 people, people playing sport, people standing and text

जवाफी ब्याटिङमा २३१ रनको लक्ष्य लिएर मैदानमा उत्रेको नेपालले शानदार ब्याटिङको प्रदर्शन गर्दै ४९ ओभरमा नै जित निकालेको हो। भुर्तेल र पौडेलसँगै विकेट किपर ब्याट्सम्यान विनोद भण्डारीले पनि ३७ रनको शानदार पारी खेलेका थिए।

अमेरिकाका लागि स्पिनर निसर्ग पटेल तथा नोसतुश केन्जिगेले समान २-२ विकेट लिन सफल भएका थिए भने कप्तान सौरभले १ विकेट लिएका थिए। तर नेपाली ब्याट्सम्यानले शानदार ब्याटिङ गर्दा नेपालले त्रिकोणात्मक सिरिजमा शुखद सुरुवात गरेको छ।

प्रकाशित मिति: २०७८,भाद्र,२८,सोमवार २३:५४

प्रतिक्रिया दिनुहोस !
सम्बन्धित खबरहरु

काठमाडौं । सर्वोच्च अदालतले नकारात्मक टिप्पणी गरेको वा अभिव्यक्ति दिएकै आधारमा कसैलाई कारबाही नगर्न गृह मन्त्रालयलाई आदेश दिएको छ ।

काठमाडौं । नेकपा एमालेका अध्यक्ष केपी शर्मा ओलीले सभामुख र निर्वाचन आयोगविरुद्ध दायर गरेको रिटको सुनुवाई ‘हेर्दा हेर्दैमा’ राखिएको छ

काठमाडौं । नेपालमा पछिल्लो २४ घण्टामा देशभर एक हजार ९५ जनामा कोरोना संक्रमण पुष्टि भएको छ। पछिल्लो २४ घण्टामा देशभरका

काठमाडौं । नेकपा (एकीकृत समाजवादी) पार्टीको केन्द्रीय समिति बैठक काठमाडौंको बुद्धनगरस्थित क्वालिटी पार्टी प्यालेसमा बस्ने तय भएको छ । सो

ताजा समाचार

दार्चुलामा भूकम्पको धक्का
 २०७८,आश्विन,४,सोमवार १७:२९