गण्डकी । गण्डकी प्रदेशमा पछिल्लो एक सातामा एक हजार ७३४ जना कोरोना सङक्रमण मुक्त भएका छन् ।
यस अवधिमा एक हजार ७२ जनामा कोरोना सङ्क्रमण पुष्टि भएको छ । पछिल्लो २४ घण्टामा १६६ जना सङ्क्रमण मुक्त भएको र १९२ जना थपिएको गण्डकी प्रदेश स्वास्थ्य निर्देशनालयले जनाएको छ ।
यस अवधिमा पर्वतको फलेवास नगरपालिका–२ का २६ वर्षीय कोरोना सङ्क्रमित पुरुषको पोखरा स्वास्थ्य विज्ञान प्रतिष्ठानमा उपचारका क्रममा मृत्यु भएको स्वास्थ्य निर्देशनालय, प्रदेश स्वास्थ्य आपतकालीन कार्य सञ्चालन केन्द्र गण्डकी प्रदेशका संयोजक नवराज शर्माले जानकारी दिए ।
उनका अनुसार निजमा भदौ १७ गते कोरोना सङ्क्रमण पुष्टि भएको थियो । निजसँगै प्रदेशमा कोरोना सङ्क्रमण भई मृत्यु हुनेको सङ्ख्या एक हजार ३३२ पुगेको छ । प्रदेशमा हाल एक हजार ५२१ जना होम आइसोलेशनमा छन् ।
यो खबर पढेर तपाईलाई कस्तो महसुस भयो ?
प्रतिक्रिया