काठमाडौं। फिफा विश्वकप २०२२ अन्तर्गत युईएफए क्षेत्रको छनोट खेलमा बलिया टोली स्पेन, इटाली, बेल्जियम तथा जर्मनीले जित दर्ता गरेका छन्।
गए राति खेलिएका समूह चरणका खेलमा स्पेनले कोसोभोलाई २-० गोलले पराजित गरेको छ। त्यस्तै जर्मनीले आइसल्यान्डलाई ४-० गोलको फराकिलो अन्तरले पराजित गर्न सफल भएको छ।
युरो कप २०२० विजेता इटालीले लिथुवानियालाई ५-० गोलले पराजित गर्दै नयाँ कीर्तिमान रचेको छ। अन्तराष्ट्रिय खेलमा इटाली ३७ खेलमा अपराजित हुन सफल हुँदा सो कीर्तिमान रचेको हो। त्यसैगरी फिफा वरियतामा शीर्ष स्थानमा रहेको बेल्जियमले बेलारुसलाई १-० गोलले पराजित गरेको छ।
उता युरो कप २०२० को उप-विजेता इङ्ल्यान्डले भने पोल्यान्डसँग १-१ गोलको बराबरी खेल खेलेको छ। पोल्यान्डले खेलको अतिरिक्त समयमा बराबरी गोल गर्न सफल भएको थियो।
कोसोभोविरुद्ध स्पेन
समूह: बी
स्थान: फाडिल भोक्री, कोसोभो
गोल: पाब्लो फोरनाल्स (३२ मिनेट), फेरान टोरेस (९० मिनेट)
इटालीविरुद्ध लिथुवानिया
समूह: सी
स्थान: मापेई स्टेडियम, इटाली
गोल: मोइस किन (११ र २९ मिनेट), एडगरस उटकुस (आत्मघाती गोल, १४ मिनेट), जियाकोमो रास्पाडोरी (२४ मिनेट), जियोभानी डि लोरेन्जो (५४ मिनेट)
बेलारुसविरुद्ध बेल्जियम
समूह: ई
स्थान: काजान, बेलारुस
गोल: डेनिस प्रायेट (३३ मिनेट)
आइसल्यान्डविरुद्ध जर्मनी
समूह: जे
स्थान: लौगारडासभोलुर, आइसल्यान्ड
गोल: सर्ज ग्नाब्री (४ मिनेट), एन्टनियो रुडिगर (२४ मिनेट), लेरोय साने (५६ मिनेट), टिमो वर्नर (८९ मिनेट)
पोल्यान्डविरुद्ध इङ्ल्यान्ड
समूह: आई
स्थान: नारोडोवी स्टेडियम, पोल्यान्ड
गोल: ह्यारी केन (७२ मिनेट), डामियान स्जीमान्स्की (९०+२ मिनेट)
यो खबर पढेर तपाईलाई कस्तो महसुस भयो ?
प्रतिक्रिया