प्रतिनिधि सभाको अर्को बैठक भदौ २५ गते बस्ने

काठमाडौं । प्रतिनिधि सभाको आगामी बैठक भदौ २५ गतेसम्मका लागि स्थगित भएको छ ।

दुई दुई पटक १५र१५ मिनेटका लागि स्थगित गरिएको बैठक अन्ततः भदौ २५ गते १ बजेसम्मका लागि स्थगित गरिएको हो ।

प्रमुख प्रतिपक्षी दल नेकपा एमालेको अवरोधपछि सभामुख अग्निप्रसाद सापकोटाले भदौ २५ गते शुक्रबारसम्म बैठक स्थगित गरेको जानकारी गराएका हुन् ।

एमालेले १४ सांसदहरुलाई गरेको कारबाही सभामुखले सदर नगरेको भन्दै एमालेका सांसदहरुले संसद अवरुद्ध गरेका थिए । एमाले सांसदरुको अवरोधकैबीच गृहमन्त्री बालकृष्ण खाँडले रोस्टमबाट अध्यादेशबारे संसदलाई जानकारी गराएका थिए ।