देशको विकासमा निजामती कर्मचारीको महत्वपूर्ण भूमिका छ : मुख्यमन्त्री शाक्य

लोकपथ
221
Shares

बागमती । बागमती प्रदेशका मुख्यमन्त्री अष्टलक्ष्मी शाक्यले देश विकासमा निजामती कर्मचारीको महत्वपूर्ण भूमिका रहने बताएकी छन् ।

निजामती सेवा दिवस, २०७८ का अवसरमा मुख्यमन्त्री तथा मन्त्रिपरिषद्को कार्यालय र जिल्ला प्रशासन कार्यालय मकवानपुरको आयोजनामा आज हेटौँडामा आयोजित कविता वाचन तथा प्रवचन कार्यक्रमका अवसरमा उनले सबै तहका जनप्रतिनिधि र निजामती कर्मचारी मिलेर मुलुकको चौतर्फी विकासमा अघि बढ्नुपर्ने बताइन् । निजामती कर्मचारी र जनप्रतिनिधि मिलेर मात्र जनताले अनुभूति गर्ने गरी सेवामूलक काम गर्न सकिने मुख्यमन्त्री शाक्यको भनाइ थियो ।

उनले राजनीतिज्ञले कर्मचारीलाई असहयोग गर्यो भनेर दोष लगाउने, कर्मचारीले राजनीतिज्ञलाई दोष लगाउने गरिएकाले अबका दिनमा यस्ता कुरा सच्याउनुपर्ने बताइन् । दुवै पक्ष मिलेर छलफल गरेपछि समस्याको निकास निस्कने उल्लेख गर्दै उनले भनिन्, “दुवै पक्ष मिलेर छलफल गराँै । एकै स्थानमा बसेर छलफल गरेपछि एकले अर्कालाई दोष थोपर्नु नै पर्दैन ।”

निजामती कर्मचारी स्थायी सरकार रहेको भन्दै उनले निजामती कर्मचारीलाई परेका समस्या समाधान गर्नका लागि प्रदेश सरकार तयार रहेको उनले बताइन् ।

यो खबर पढेर तपाईलाई कस्तो महसुस भयो ?