काठमाडौं, २९ चैत । पूर्वप्रधानन्यायाधीश कल्याण श्रेष्ठले प्रयोग गरिरहेको सरकारी गाडी सर्वोच्च अदालतका कर्मचारीले नियन्त्रणमा दिएका छन् ।गाडी मर्मत र इन्धन खर्च लिन सर्वोच्च अदालतको प्रशासनमा पुगेका चालक जोगमोहन महतोको हातबाट गाडीको चाबी सर्वोच्चका कर्मचारीले नियन्त्रणमा लिई मुख्य रजिष्ट्रारलाई बुझाएका हुन् ।गाडीका चालक महतो र गाडी दुवै सर्वोच्चका हुन् । महतो सर्वोच्च अदालतका स्थायी कर्मचारी हुन् । श्रेष्ठ प्रधानन्यायाधीशबाट हटेपछि उनले झण्डा हटाएर गाडी लिएर गएका थिए ।त्यस्तै ट्रेड युनियनका सचिव हरि भट्टराईका अनुसार राज्यकोषबाट खरिद गरिएको गाडी गैरकानुनी रुपमा लिएकाले चाबी नियन्त्रणमा लिएर रजिस्टारलाई बुझाइएको बताए ।
यसैगरी गाडी घर लगेर फिर्ता नगर्ने पूर्वप्रधानन्यायाधीशको सूचीमा सुशीला कार्कीको नाम पनि छ । हालै राजीनामा दिएर हिँडेका प्रधानन्यायाधीश गोपाल पराजुलीलगायतका पूर्व प्रधानन्यायाधीशहरुले पनि गाडी फिर्ता गरेका छैनन् ।त्यस्तै गाडी लगे फिर्ता नगर्ने पूर्वप्रधानन्यायाधीशहरुमा सुरेन्द्रप्रसाद सिंह, ओमभक्त श्रेष्ठ, मोहनप्रसाद शर्मा र केशवप्रसाद उपाध्याय छन् ।यसैगरी हरिप्रसाद शर्मा, दीलिपकुमार पौडेल, केदारप्रसाद गिरी, मीनबहादुर रायमाझी, खिलराज रेग्मी, दामोदरप्रसाद शर्मा, रामकुमारप्रसाद साह, सुशीला कार्कीले गाडी फिर्ता गरेका छैनन् ।
यो खबर पढेर तपाईलाई कस्तो महसुस भयो ?
प्रतिक्रिया