नेपाल-भारत मैत्रीपूर्ण फुटबल : दोस्रो हाफमा भारतको १ गोल

काठमाडौं । नेपाल र भारतबीचको दोस्रो अन्तर्राष्ट्रिय मैत्रीपुर्ण खेलको दोस्रो हाफमा भारतले १ गोल गरेको छ ।

त्रिपुरेश्वरस्थित दशरथ रंगशालामा आइतबार भएको खेलमा ६२ औँ मिनेटमा परिवर्तित खेलाडी फारुख चौधरीले गोल हानेका हुन् । योसँगै नेपाल १-० गोल अन्तरले पछि परेको छ ।

पहिलो हाफ भने गोलरहित बराबरीमा सकिएको छ ।

यसअघिको पहिलो अन्तर्राष्ट्रिय मैत्रीपुर्ण खेल १–१ गोलको बराबरीमा सकिएको थियो । नेपालका लागि अन्जन विष्टको गोलमा अग्रता लिदा भारतका अनिरुद्ध थापाले बराबरी गोल फर्काएको थियो ।