३१ आश्विन २०७८, आईतवार

खोटाङका ७७ वडामा कांग्रेस अधिवेशन टुंगियो, २ वडाको बाँकी

२०७८,भाद्र,१९,शनिवार २१:२८


खोटाङ । खोटाङका ७७ वडामा नेपाली कांग्रेसको अधिवेशन टुंगिएको छ । नेपाली कांग्रेसको १४औं महाधिवेशन अन्तरगत जिल्लाका ७९ वडामध्ये ७७ वडाको अधिवेशन टुंगिएको हो ।

७० वडामा सर्वसहमत र ७ वडामा निर्वाचनका माध्यमबाट नेतृत्व चयन भएको कांग्रेस खोटाङका सचिव ज्ञानेन्द्र जोशीले बताए । दिक्तेल रुपाकोट मझुवागढी नगरपालिका–९ निर्मलीडाँडाको अधिवेशन शुक्रवारदेखि स्थगित छ ।

विवादका कारण दिप्रुङ चुईचुम्मा गाउँपालिकाको याम्खाको मत गणना शनिवार दिउँसोदेखि रोकिएको छ । निर्मलीडाँडा र याम्खा बाहेक अन्य वडाको अधिवेशन टुंग्याइसकिएको कांग्रेसले जनाएको छ ।

सहमती नजुट्दा दिप्रुङ चुईचुम्मा गाउँपालिकाको डाँडागाउँ र बतासे, जन्तेढुंगा गाउँपालिकाको चिसापानी र काहुले, केपीलासगढी गाउँपालिकाको बाक्सिला र सुंदेल तथा ऐसेलुखर्क गाउँपालिकाको बाकाचोलमा मतदानका माध्यमबाट वडा अधिवेशन टुंग्याइएको हो ।

खोटाङमा कांग्रेसका ६ हजार ८०० क्रियासिल सदस्यले वडा अधिवेशनमा सहभागीता जनाएका छन् । कांग्रेसको वडा अधिवेशबाट वडा सभापतिसहित २३ सदस्यीय वडा कार्य समिति र क्षेत्रीय प्रतिनिधि चयन गर्ने व्यवस्था छ । कांग्रेसको उपल्लो पदमा लड्नका लागि क्षेत्रीय प्रतिनिधि अनिवार्य चुनिनुपर्ने भएकाले क्षेत्रीय प्रतिनिधि चयनमा मारामार हुने गरेको छ ।

प्रकाशित मिति: २०७८,भाद्र,१९,शनिवार २१:२८

प्रतिक्रिया दिनुहोस !
सम्बन्धित खबरहरु

एसपी यादवर/ सर्लाही । कृषि तथा पशुपन्छी विकास मन्त्री महेन्द्र राय यादवले जनता समाजवादी पार्टी मुद्दामा आधारित पार्टी रहेको बताएका

काठमाडौं । गृहमन्त्री बालकृष्ण खाँणले नेत्र विक्रम चन्द नेतृत्वको नेपाल कम्युनिष्ट पार्टी (नेकपा) सँग नेपाल सरकारले गरेको सहमति कार्यान्वयनका लागि

काठमाडौं । सरकारले सुनसरीको भोक्राहा नरसिंह गाउँपालिकाका मोहम्मद हकीम साहको जिल्ला प्रहरी कार्यालय सुनसरीको बन्दी गृहमा भएको मृत्यु प्रकरणबारे सत्यतथ्य

काठमाडौं । नेपालमा पछिल्लो २४ घण्टामा थप ३ सय ९१ जनामा कोरोना संक्रमण पुष्टि भएको छ । देशभर कुल ८

ताजा समाचार

दशैँको समयमा चार सडकआश्रितको उद्धार
 २०७८,आश्विन,३१,आईतवार १९:५०