११ असार २०७९, शनिवार

एमाले भक्तपुरद्वारा २८ जनाको नाम सिफारिस

२०७४,आश्विन,२३,सोमवार ०७:२१

9
Shares

भक्तपुर, २३ असोज ।आगामी मंसिर १० र २१ गते हुने प्रतिनिधि सभा तथा प्रदेश सभाको निर्वाचनका लागि एमाले जिल्ला कमिटी भक्तपुरले २८ जनाको नाम सिफारिस गरेको छ ।जिल्लाको दुईवटा निर्वाचन क्षेत्र र चारवटा प्रदेशमा प्रत्यक्ष र समानुपातिकतर्फको उम्मेदवारको नामावलीमा प्रदेशमार्फत केन्द्रीय समितिमा सिफारिस गरेको हो ।भक्तपुर निर्वाचन क्षेत्र नं १ मा प्रतिनिधि सभा प्रत्यक्षतर्फ प्रेमकुमार श्रेष्ठ, कृष्णराम गेलाल र नारायणी दंगालको नाम सिफारिस गरेको छ भने समानुपातिकतर्फ केदार अधिकारी, नारायणभक्त बाटी र मन्दरा मिश्रको नाम सिफारिस गरेको छ ।निर्वाचन क्षेत्र नं १ को प्रदेश नं १ मा प्रत्यक्षतर्फ नगर कमिटीले सर्वसम्मत हरिशरण लामिछानेको नाम सिफारिस गरेको छ । जिल्ला कमिटीमा भने मोहनवीर श्रेष्ठ र रामबहादुर थापाको नाम थप गरेर पठाउने तयारी गरे पनि विवाद बढेपछि लामिछानेको नाम मात्रै पठाएको जिल्ला कमिटीले जानकारी दिएको छ ।यस प्रदेशमा समानुपातिकतर्फ शिवराम तिमिल्सिना, केदार अधिकारी, राजु सुवेदी, विष्णु तामाङ, सावित्री थापाको नाम सिफारिस गरिएको छ । निर्वाचन क्षेत्र नं १ प्रदेश क्षेत्र नं २ मा भने प्रत्यक्षतर्फ रोमन शिलाकार र समानुपातिकतर्फ माइलाबाबु देउला, मदन द्यौला, सरस्वती बाटी र रञ्जु नापितको नाम सिफारिस गरेको छ ।नाम सिफारिस गर्ने क्रममा निर्वाचन क्षेत्र नं २ मा प्रतिनिधिसभा प्रत्यक्षतर्फ पूर्व उद्योगमन्त्री महेश बस्नेतको नाम सर्वसम्मतरुपमा नगर तथा क्षेत्रीय कमिटीले सिफारिस गरेको छ । जिल्ला कमिटीमा सर्वसम्मत आएको बस्नेतको नाममा राजेन्द्रमान श्रेष्ठको नाम थपेर पठाउन खोजिएपछि विवाद सिर्जना भएको हो ।तेत्तीस जनाको एमाले जिल्ला कमिटी बैठकमा ३१ जनाले विनाशकारी भूकम्पका बेलामा जनताका घर–घरमा पुगेर नगद तथा जस्ता वितरण गर्ने, टहरा वितरण गर्ने, सडक निर्माणदेखि खानेपानी र अन्य विकासका योजना ल्याउन बस्नेतले महत्वपूर्ण योगदान पु¥याएको भन्दै बस्नेतको विकल्प नरहेकाले सर्वसम्मतरुपमा बस्नेत उम्मेदवार हुनुपर्ने बताएको बैठकमा सहभागी जिल्ला कमिटी पदाधिकारीले जानकारी दिएका छन् ।बैठकमा सहभागीमध्ये दुईजनाले राजेन्द्रमान श्रेष्ठको पनि सिफारिस गर्नु पर्ने माग गरे पनि बहुमतले बस्नेतको नाम सिफारिस गरेकाले बस्नेत सर्वसम्मत उम्मेदवार रहेको पदाधिकारीले जानकारी दिएका छन् । समानुपातिकतर्फ भने निर्मल भट्टराई, गणेशबहादुर खत्री र मालती पौडेलको नाम सिफारिस भएको छ ।निर्वाचन क्षेत्र नं २ को प्रदेश नं १ मा भने प्रत्यक्षतर्फ पार्टी अध्यक्ष राजेन्द्र राजथला र शशिजंग थापाको नाममा विवाद चर्किएको छ । पटक–पटक अवसरबाट वञ्चित गरिएका, जनतामाझ चर्चित रहेका थापालाई सर्वसम्मतरुपमा नाम सिफारिस गर्नुपर्ने बहुमतपक्षले जिल्ला कमिटी बैठकमा आवाज उठाएको बैठकमा सहभागी पदाधिकारीले जानकारी दिएका छन् ।पार्टी सभापति राजथलालाई सर्वसम्मत नाम सिफारिस गर्नुपर्नेमा दुईजनाले माग गरेपछि श्यामसुन्दर बस्नेत, रजन केसी र गोविन्द चौलागार्इंले आफूहरु पनि उम्मेदवारको आकांक्षी भएको भन्दै एकलौटी नाम सिफारिस नगर्न दबाब दिए पनि राजथला र थापाको मात्रै नाम सिफारिस भएको छ ।प्रदेश समानुपातिकतर्फ भने धु्रवराज विष्ट, सरिता तिमिल्सिना भट्टराई, चित्रबहादुर अछामी, मालती विष्टको नाम सिफारिस भएको कार्यालयले जानकारी दिएको छ ।यता प्रदेश नं २ मा प्रत्यक्षतर्फ पार्टी उपाध्यक्ष बचन देउजाको नाम सर्वसम्मतरुपमा सिफारिस भएको छ भने समानुपातिकतर्फ गीता अञ्जान (केसी), चन्दनकृष्ण श्रेष्ठ, भवानी खड्का, दीपेन्द्र थापा र सुशीला सुवेदीको नाम सिफारिस गरिएको छ ।विवादित नामका सन्दर्भमा जस्ताको तस्तै प्रदेश कमिटीमा नाम सिफारिस गरिएको एमाले जिल्ला अध्यक्ष राजेन्द्र राजथलाले जानकारी दिए । 

प्रकाशित मिति: २०७४,आश्विन,२३,सोमवार ०७:२१

प्रतिक्रिया दिनुहोस !
सम्बन्धित खबरहरु

चितवन । चितवनका सात वटै पालिकाले शुक्रबार आगामी आर्थिक वर्ष २०७९/८० को बजेट ल्याएका छन् । पालिकाका उपप्रमुख तथा उपाध्यक्षले

चितवन । आर्थिक वर्ष २०७/०८० का लागि भरतपुर महानगरपालिकाले ६ अर्ब हाराहारीको बजेट ल्याउने भएको छ । महानगरले चालु आर्थिक

काठमाडाैं । रसुवामा जिल्ला समन्वय समितिको निर्वाचनमा नेकपा एमाले र नेपाली कांग्रेस आमनेसामने हुँदा परिणाम भने गोलाप्रथाले निर्धारण गरेको छ

भैरहवा । रुपन्देहीको सिद्धार्थनगर र कोटहीमाईको सिमाना दुर्गौलियामा झिसमिसे नहुँदै साइकल, मोटरसाइकल र पैदलमार्फत चिनी अवैध ओसारपसार हुन्छ । क्षमताअनुसार

ताजा समाचार

नाइटक्लबमा गोली चल्यो, २ जनाको मृत्यु
 २०७९,असार,११,शनिवार १०:०२
आजको मौसम : हल्कादेखि मध्यम वर्षा
 २०७९,असार,११,शनिवार ०८:४१
बाढीले मेलम्चीमा रातभर तनाव
 २०७९,असार,११,शनिवार ०७:२१
प्रशिक्षण प्रतिष्ठानको प्रमुखमा खड्का
 २०७९,असार,१०,शुक्रवार २१:१६
पोखरा महानगरको बजेट ८ अर्ब ७७ करोड ७५ लाख
 २०७९,असार,१०,शुक्रवार २१:१२