काठमाडौं । नेपाली कांग्रेसको महाधिवेशन नजिकिएसँगै नेताहरुले आ–आफ्नो उम्मेदवारी घोषणा गरिरहेका छन् ।
सोही क्रममा कांग्रेस केन्द्रीय सदस्य गगन थापाले आगामी १४ औँ महाधिवेशनमा महामन्त्री उठ्ने घोषणा गरेका छन् ।
सोमबार काठमाडौं महानगरपालिका वडा नं १० कमिटीले आयोजना गरेको क्रियाशील सदस्यहरुको भेलालाई सम्बोधन गर्दै थापाले सो कुरा घोषणा गरेका हुन् ।
यसअघिको १३ औँ महाधिवेशनमा समेत महामन्त्रीमा उम्मेदवारी दिएका थापाले ५८४ मत पाएका थिए ।
कांग्रेसको तेस्रो धार अर्थात् कृष्णप्रसाद सिटौला समूहबाट उम्मेदवारी दिएका थापाले पराजित भएका थिए । आन्तरिक छलफललाई तिव्रता दिए पनि यसपटक कुन समूहबाट उम्मेदवारी घोषणा गर्ने भन्ने विषयमा भने टुंगो लागेको छैन ।
यो खबर पढेर तपाईलाई कस्तो महसुस भयो ?
प्रतिक्रिया