काठमाडौं – यतिबेला सामाजिक सञ्जालमा एक पात्रको निकै चर्चा छ।
कमेडी च्याम्पियन सिजन – २ मा को पछिल्लो प्रस्तुतीमा ‘ब्याकग्राउण्ड’मा बजाईएको ‘रोल्पा बक्सियोस् कि मलाई रुकुम बक्सियोस्’ बोलको गितमा पूर्व युवराज पारस शाहको गेटअप र हाउभाउसहित उनको चरित्रलाई कमेडिमार्फत् प्रस्तुती दिएका भरतमणि पौडेलले आम दर्शकको मन जितेका छन् । उनैको प्रस्तुतीले यतिबेला सर्वत्र चर्चा बटुलेको हो ।
यो प्रस्तुतिपछि बेग्लै पहिचान बनाएका भरतमणिले एक अन्तर्वार्तामा पूर्व युवराज शाह आफूलाई निकै मनपर्ने सरल पात्र भएका कारण उनको क्यारिकेचर गर्नको लागि कपाल नकाटी राखेको खुलाशा गरेका छन् ।
उनले भनेका छन्, ”पूर्वयुवराज पारस शाहको पात्रलाई एकदमै धेरै न्यायपूर्वक गरेको थिएँ । फाईनलमा पुगेँ । खुसी लागेको छ । कार्यक्रम प्रसारण भएपश्चात् मलाई धेरै राजावादी संस्थाहरूले व्यक्तिहरुले फोन गरेर बधाई समेत दिनुभएको छ । खुसी भएको प्रतिक्रिया दिनुभएको छ । उहाँको क्यारिकेचर गर्ने सोच मेरो सिजन १ सुरु भएको समयदेखिको योजना हो। अचेल उहाँ आफ्नै ढङ्गले स्वतन्त्र भएर हिँड्दै हुनुहुन्छ । भलै उहाँले के गर्नुपथ्यो के गर्नुभयो भन्ने कुरामा म जान्न । तर व्यक्तिगत रुपमा मलाई उहाँले पछिल्लो समय बाँच्नुभएको जुन सरल जीवन छ, म त्यो बाट प्रभावित छु । त्यसैले उहाँको पछिल्लो समयको व्यक्तित्व मलाई निकै मन परेकोले कहिलेकाहीँ उहाँको हाउभाउ नक्कल गर्न खोजेको थिएँ । अलिअलि मिलेको जस्तो लाग्थ्यो। उहाँसँग ठ्याक्कै मिलाउने बनाउन मैले धेरैपटक रिहल्सल गरेको छु । मलाई उहाँ मनपरेपछि नक्कल गर्न कपाल पाल्न थालेको थिएँ । मैले कपाल पालेको पूर्व युवराज पारस शाह बन्नकै लागि हो । अब चाहिँ यो कपाल मन परेको छ, काट्दिन होला। उहाँको क्यारिकेचरका लागि उहाँको बोली भएको भिडियो प्राय सबै हेरेको पनि छु ।”
कमेडियन पौडेल यसअघि नेकपा एमाले नेता गोकुल बाँस्कोटा, योगेश भट्टराईको पनि उत्तिकै दमदार क्यारिकेचर गरेर चर्चामा आएका थिए ।
देशको पहिलो कमेडी रियलिटी शो कमेडी च्याम्पियन – २ का प्रतियोगी पौडेललाई यसै प्रस्तुतीबाट निर्णयकले मन पराएर ‘पर्फमर अफ द राउण्ड’ मा छनौट गरी उत्कृष्ट ३ मा पुर्याइसकेका छन् ।
पूर्वयुवराजको गेटअपसम्म भरतमणिले ७ पटक ‘पर्फमर अफ द राउण्ड’ प्राप्त गरिसकेका कारण यसपटकको कमेडि च्याम्पियन सिजन – २ को उपाधि पौडेलको पोल्टामा जाने धेरैको अनुमान छ ।
यो खबर पढेर तपाईलाई कस्तो महसुस भयो ?
प्रतिक्रिया