अफगानिस्तानबारे ५ पूर्वराजदूतको एकैस्वर : ‘सार्कको अध्यक्ष राष्ट्रको हैसियतमा नेपालको भूमिका महत्वपूर्ण छ’

काठमाडौं । पूर्व ५ राजदूतहरुले अफगानिस्तानको राजनीतिक घटनाक्रमका विषयमा प्रतिकृया जनाएका छन् ।

मंगलबार संयुक्त वक्तव्य जारी गर्दै ५ पूर्वराजदूतहरुले नेपालले सार्कको अध्यक्ष राष्ट्रको हैसियतले आफ्नो भूमिका देखाउनुपर्नेमा जोड दिएका छन् । तालिबानले त्यहाँका सत्ता कब्जा गरेसँगै त्यहाँ हुनसक्ने अस्थिरता न्यूनिकरणका लागि सार्क राष्ट्र नेपालको भूमिका महत्वपूर्ण रहने भन्दै सरकारको ध्यानाकर्षण गराएका छन् ।

‘यस महत्वपूर्ण समयमा नेपाल, सार्कको अध्यक्षको रूपमा त्यस क्षेत्रको स्थिरताका लागि एक महत्वपूर्ण भूमिका छ। हामी नेपाल सरकार लाई तुरुन्तै त्यस क्षेत्रमा सान्दर्भिक देशहरुसँग एक संवाद सुरू गर्नको लागि आवश्यक पहल गर्न उदयमान चुनौतीहरुलाई सम्बोधन गर्न चाहान्छौँ’, जारी वक्तव्यमा भनिएको छ, ‘अफगानिस्तानमा तालिबानको राजनैतिक प्रगति साँच्चै एक सार्क सदस्य देशहरुको लागी मुख्य विषय हो।’

अहिंसात्मक रुपमा सरकार संचालन गर्ने तालिबानीहरुले घोषणा गरे पनि पहिलेको व्यवहारको कारण त्यहाँबाट बाहिरिने मानिसहरुको संख्या बढिरहेको उनीहरुको धारणा रहेको छ ।

वक्तव्यमा भनिएको छ ‘विगतका रेकर्डहरु हेर्दा उनीहरु सत्तामा हुदा अफगानिस्तान छोड्न चाहने मानिसहरुप्रति उनीहरुको वर्तमान अस्वीकार्य व्यवहारजस्ता कुराहरुले पनि नराम्रो असर पारेको छ ।’

त्यसैगरी लामो समयसम्म ध्वंसात्मक राजनीतिबाट आएको कारण तालिबानीहरुले आफ्नो नीति परिवर्तनको घोषणा गरेपनि अन्तर्राष्ट्रिय समुदायका लागि तालिबानको सम्झौता एक शंकाको विषय बन्ने उनीहरुको भनाइ रहेको छ ।

‘त्यहाँ खुलाउने स्थितिमा सामाजिक आर्थिक, प्रवास र सुरक्षा क्षेत्रमा एक दूरगामी परिणाम हुनेछ। जे होस् तालिबानले अफगानिस्तानमा माफीको घोषणा गरेको छ । महिलाहरुलाई काम, स्कूल र सरकारमा पुनः सामेल हुन भनिएको छ र देशको शासनको लागी अन्य समूहहरुसँग एक वार्तालाप सम्झौताको लागी काम गरीरहेको छ । उनीहरुको अपील अन्तर्राष्ट्रिय समुदायका लागी भने शंकाको विषय रहेको छ।’ वक्तव्यमा भनिएको छ ।

पूर्वराजदूतहरु हिरन्यलाल श्रेष्ठ (रसिया), दीपकुमार उपाध्याय (भारत), दुर्गेशमान सिंह (भारत), सुरेश चालिसे (अमेरिका र बेलायत) र महेश मास्के (चीन) लगायतले सो विषयमा सरकारको ध्यानाकर्षण गराएका हुन् ।