नेपालमा कोरोना : संक्रमितभन्दा निको हुनेको संख्या बढी

काठमाडौं । नेपालमा पछिल्लो २४ घण्टामा १ हजार ९२० कोरोना संक्रमित थपिएका छन्।

स्वास्थ्य तथा जनसंख्या मन्त्रालयका अनुसार देशभर गरिएको ९ हजार ४४३ पीसीआर र ३ हजार ७३ जनाको एन्टीजेन परीक्षणका क्रममा १ हजार ९२० जनामा संक्रमण पुष्टि भएको हो।

त्यस्तै गत २४ घण्टामा २ हजार २४८ जना संक्रमित निको भएका छन्। यो सँगै देशभर निको हुनेको संख्या ६ लाख ९८ हजार १७३ पुगेको छ।

त्यसैगरी पछिल्लो २४ घण्टामा २४ जना संक्रमितको मृत्यु भएको मन्त्रालयले जनाएको छ। हालसम्म कोरोना संक्रमणबाट मृत्यु हुनेको संख्या १० हजार ५०९ पुगेको छ।