कांग्रेस नेता गुरुङलाई मातृशोक, यसरी सम्झिए पञ्चायत कालमा आमाले दिएका सुझाव

काठमाडौं । नेपाली कांग्रेसका केन्द्रीय सदस्य धनराज गुरुङलाई मातृशोक परेको छ ।

नेता गुरुङकी आमा प्यारी गुरुङको मंगलबार राती ९२ वर्षको उमेरमा निधन भएको हो ।

आमाको निधनपछि नेता गुरुङले पुराना दिनहरुको स्मरण गरेका छन् । सामाजिक सञ्जालमा लेख्दै नेता गुरुङले पञ्चायती शासनविरुद्ध आफू लाग्दा आमाले भनेका भनाइहरुलाई सम्झना गरेका छन् ।

आमा ! मलाई ठेस लाग्दा हजुरलाई दुख्ने थियो। मेरो दुखमा हजुरको आँखा रसाउने गर्थे। पन्चायती शासनका बिरुद्ध लड्दा हजुरले मलाई ‘तिमी राजाको बिरोधि भएका छौ रे ! मारि देला ! जोगिएर हिंड्’ भन्नुहुन्थ्यो। ९२ बर्षको उमेरसम्म असीम माया र आशिर्वाद दिइरहनु भयो।
तर आज स्तब्ध पारेर जानुभयो।
आमा !! ’