काठमाडौं । भारतको हिमाञ्चल प्रदेशमा पहिरो जाँदा १३ जनाको मृत्यु भएको छ ।
हिमाञ्चल प्रदेशअन्तर्गत एक राजमार्गमा गाडीहरुमाथि पहिरो खस्दा कम्तीमा १३ जनाको मृत्यु भएको र धेरै मानिसहरु हराइरहेकोे सञ्चार माध्यमहरुमा जनाइएको छ ।
बुधवार डाँडाबाट खसेका ढुङ्गामाटोहरू एउटा ट्रक, एउटा बस र केही साना सवारीसाधनमाथि बज्रिएका थिए।
सरकारी अधिकारीहरूका अनुसार ढुङ्गामाटो खस्न नरोकिएकाले उद्धारकार्य प्रभावित भएको छ।
भारतमा यो वर्ष मनसुनमा असामान्य रूपमा धेरै वर्षा भएकाले धेरै ठाउँ बाढी र भूस्खलनबाट प्रभावित भएका छन्।
बुधबार किन्नौर जिल्लामा भएको घटनामा १० जनाको जीवित उद्धार गरिएको छ।
झन्डै ३० जना अझै पुरिएको अवस्थामा रहेको आशङ्का गरिएको स्थानीय विवरणहरूमा उल्लेख छ।
भारत-तिब्बत सीमा सुरक्षाका लागि खटिएका प्रहरीहरू उद्धारकार्यमा परिचालित भएका छन्।
एजेन्सीको सहयोगमा
यो खबर पढेर तपाईलाई कस्तो महसुस भयो ?
प्रतिक्रिया