काठमाडौं । सरकारले मासिक २० युनिटसम्म बिजुली खपत गर्ने विपन्न ग्राहकहरुले निशुल्क विद्युत पाउने उपलब्ध गराउने भएको छ ।
बुधबार ऊर्जा, जलस्रोत तथा सिँचाइमन्त्री पम्फा भुसालले मन्त्रालयमा पत्रकार सम्मेलन गर्दै सो निर्णय गरिएको जानकारी गराएकी हुन् ।
मन्त्री भुसालले नेपाल विद्युत प्राधिकरण सञ्चालक समितिले उक्त निर्णय गरिसकेको जानकारी दिइन् ।
‘महसुलबारेको निर्णय विद्युत नियमन आयोगले गर्ने भएकाले त्यहाँ प्रस्ताव पठाइएको छ, आयोगले निर्णय गरेको दिनबाट यो महसुलदर लागू हुन्छ ।’ मन्त्री भुसालले भनिन् ।
उक्त निर्णय अनुसार महिनामा २० युनिट मात्रै खपत गर्नेले ३० रुपैयाँको डिमान्ड शुल्क मात्रै तिरे हुनेछ । सरकारको निर्णयले विपन्न जनतालाई राहत हुने विश्वास लिएको मन्त्री भुसालले बताएकी छिन् ।
यो खबर पढेर तपाईलाई कस्तो महसुस भयो ?
प्रतिक्रिया