सांसद महरासहित छ दर्जन कार्यकर्ता माओवादी केन्द्र प्रवेश

काठमाडौं, असोज २२- नेकपा (माले) का सांसद कलशा महरासहितका छ दर्जन नेता कार्यकर्ता आइतबार माओवादी केन्द्रमा प्रवेश गरेका छन् ।आइतबार दिउँसो पार्टी केन्द्रीय कार्यालय पेरिसडाँडामा आयोजित एक कार्यक्रमका बीच सांसद महरासहितका नेता कार्यकर्ता माओवादी केन्द्रमा प्रवेश गरेका हुन् । महरा लगायतका नेता कार्यकर्तालाई माओवादी केन्द्रका अध्यक्ष पुष्पकमल दाहाल प्रचण्डले माओवादी केन्द्रमा प्रवेश गराए ।माओवादी केन्द्रमा प्रवेश गर्दै सांसद महराले माओवादी केन्द्रको नीतिप्रति सहमत भएर आफू ध्रुवीकरणमा आएको बताए । पार्टी प्रवेश गराउँदै अध्यक्ष प्रचण्डले बृहत् ध्रुवीकरणमार्फत् नेपालमा एउटै कम्युनिष्ट केन्द्र बनाउने अभियानको पूर्वसन्ध्यामा भएको एकताले दुरगामी अर्थ राख्ने बताए । अध्यक्ष प्रचण्डले भने, ‘हामी नेपालमा एउटै कम्युनिष्ट केन्द्र बनाउने अभियानमा छौं । बृहत् एकता र ध्रूवीकरणका बलमा मात्रै नेपालमा समाजवादी क्रान्ति गर्न सकिन्छ । यस्तो महत्वपूर्ण परिस्थितिमा तपाईहरु ध्रुवीकरणमा आउनु भएको छ, यसले समग्र एकता र ध्रूवीकरणको प्रक्रियालाई सहयोग पुग्नेछ । ध्रूवीकरणमा आउनुभएका सम्पूर्ण साथीहरुलाई उचित जिम्मेवारी दिइनेछ ।’

यो खबर पढेर तपाईलाई कस्तो महसुस भयो ?