लुम्बिनी प्रदेश : मुख्यमन्त्रीको राजीनामा बाचन गरेर बैठक सम्पन्न

बुटवल । लुम्बिनी प्रदेशसभाको आज बसेको बैठक सकिएको छ । दोस्रो बैठक मुख्यमन्त्री शंकर पोखरेलको राजीनामासम्बन्धी प्रदेश प्रमुखको कार्यालयबाट प्राप्त पत्रको वाचनपछि सकिएको हो।

सभामुख पूर्णबहादुर घर्तीले प्रदेशसभामा मुख्यमन्त्रीको राजीनामासम्बन्धी पत्र बाचन गरेर बैठक सम्पन्न गरेका हुन् ।

‘लुम्बिनी प्रदेश सरकारका मान्य मुख्यमन्त्री श्री शंकर पोखरेलप्रति प्रदेशसभाको विश्वास छैन भनि प्रस्तुत अविश्वासको प्रस्तावको प्रक्रिया चालू रहेको समयमा मान्य मुख्यमन्त्री श्री शंकर पोखरेलले मुख्यमन्त्री पदबाट राजीनामा दिनुभएको ब्यहोरासहित मान्य प्रदेश प्रमुखज्यूबाट जानकारीसम्बन्धी पत्र हुन आएको छ’, उनले भने ।

सो सम्बन्धी पत्र बाचन गरेसँगै सभामुख घर्तीले बैठक सम्पन्न भएको घोषणा गरे ।