सत्तापक्षको उपस्थितिबिनै लुम्बिनी प्रदेशको विशेष अधिवेशन

काठमाडौं । लुम्बिनी प्रदेशसभाको बैठक सुरु भएको छ । बैठकमा सत्तापक्ष नेकपा एमाले भने अनुपस्थित रहेको छ ।

मुख्यमन्त्री शंकर पोखरेलविरुद्ध परेको अविश्वासको प्रस्तावमाथि छलफल गर्नका लागि आज विशेष अधिवेशन बोलाइएको थियो । तर संविधानविपरीत अविश्वासको प्रस्ताव आएको र त्यसलाई प्रदेश प्रमुखले मान्यता दिएको भन्दै सत्तापक्ष एमालेले भने आजको बैठक बहिस्कार गरेको हो ।

आजको बैठकमा मन्त्रिपरिषद्का कुनै सदस्यहरुको उपस्थिती नभएपनि सभामुख पूर्ण बहादुर घर्तीले बैठक अघि सारेका हुन् । मुख्यमन्त्री शंकर पोखरेलले पदबाट राजीनामा दिएका छन् । करिब १ घण्टाको लागि बैठक स्थगित भएको छ।