प्रहरीलाई फोन गरी अमिताभ बच्चनको घरमा ‘बम’ छ भन्ने दुई जना पक्राउ

काठमाडौं । मुम्बाईमा शुक्रबार प्रहरी चौकीमा फोन बज्यो । ड्यूटीमा रहेका प्रहरीले फोन उठाए । उताबाट आवाज आयो अमिताभ बच्चनको घरमासहित अन्य तीन स्थानमा बम छ ।

उक्त फोनले एकछिन सनसनी मच्चियो । बम डिस्पोजलको टोलीसहित प्रहरी फोनमा बताइएको स्थान अमिताभ बच्चनको घर, भायखला र दादरमा पुग्यो । भनिएको स्थानमा बम फेला नपरेपछि प्रहरीले फोन गर्ने दुई जनालाई पक्राउ गरेको छ ।

प्रहरीले अनुसन्धानका क्रममा उनीहरुले आफू नशामा रहेको र सबै कुरा नशामा भनेको बताएका छन् । हाल उनीहरुलाई हिरासतमा राखी प्रहरीले थप अनुसन्धान गरिरहेको छ ।