काठमाडौं । उद्योगपति विनोद चौधरीले कोरोना जोखिम बढिरहेको बेला भौतिक रुपमा परीक्षाहरु सञ्चालन गर्न नहुने बताएका छन् ।
नेपाली कांग्रेसका सांसद समेत रहेका चौधरीले विद्यार्थीहरुको जीवन रहे परीक्षाको अवसर आउने भन्दै भौतिक रुपमा परीक्षाहरु सञ्चालन गर्ने निर्णय पुनर्विचार गर्नुपर्ने बताए ।
सामाजिक सञ्जालमा लेख्दै चौधरीले मानिसको स्वास्थ्य भन्दा ठूलो अरु हुन नसक्ने बताउँदै परीक्षाहरु रोक्न ढिला गर्नु नहुनेमा जोड दिए ।
उनले भनेका छन्- ‘सबैतिर कोरोनाको जोखिम बढिरहेकाले हामी अत्यन्तै सावधान हुनुपर्छ। यस्तो बेला जोखिम लिनु बुद्धिमानी हुँदैन। जीवन रहे पढाइ र परीक्षाका अवसर आउँछन्। त्यसैले भौतिक रूपमै परीक्षा सञ्चालन गर्ने निर्णयमा तत्काल पुनर्विचार गरिनु आवश्यक छ, अबेर नगरौं। सन्तानको स्वास्थ्यभन्दा ठूलो केही छैन ।’
सबैतिर कोरोनाको जोखिम बढिरहेकाले हामी अत्यन्तै सावधान हुनुपर्छ। यस्तो बेला जोखिम लिनु बुद्धिमानी हुँदैन। जीवन रहे पढाइ र परीक्षाका अवसर आउँछन्। त्यसैले भौतिक रूपमै परीक्षा सञ्चालन गर्ने निर्णयमा तत्काल पुनर्विचार गरिनु आवश्यक छ, अबेर नगरौं। सन्तानको स्वास्थ्यभन्दा ठूलो केही छैन ।
— Binod Chaudhary (@BinodKChaudhary) August 6, 2021
यो खबर पढेर तपाईलाई कस्तो महसुस भयो ?
प्रतिक्रिया