काठमाडौं । नेपाली कांग्रेसको शीर्ष नेताहरुको बैठक बस्दैछ । क्रियाशील सदस्यता विवाद समाधान समितिले गठन गरेको सभापतिसहित शीर्ष नेताहरुको बैठक बस्न लागेको हो ।
पार्टी सभापति एवम् प्रधानमन्त्री शेरबहादुर देउवा निवास बूढानिलकण्ठमा बस्ने विवाद समाधान क्रियाशील सदस्यता समाधानका विषयमा छलफल हुने कांग्रेस महामन्त्री पूर्णबहादुर खड्काले लोकपथलाई जानकारी दिए ।
‘आजको बैठकमा क्रियाशील सदस्यता विवाद समाधानका लागि छानबिन समितिले दिएको प्रतिवदेनमाथि छलफल हुनेछ । बैठकमा पार्टी सभापतिसहित अन्य नेताहरुको समेत सहाभागिता हुनेछ ।’ महामन्त्री खड्काले भने ।
आजको बैठकमा सभापति देउवासहित वरिष्ठ नेता रामचन्द्र पौडेल, पूर्व महामन्त्री कृष्णप्रसाद सिटौला, सहमहामन्त्री प्रकाशशरण महत, केन्द्रीय सदस्यहरु रमेश लेखक र डा. मिनेन्द्र रिजालको समेत सहभागी हुनेछ ।
देशभरको क्रियाशील सदस्यता विवाद समाधानका लागि केन्द्रीय सदस्य लेखकको संयोजकत्वमा ५ जनाको छानबिन समितिले प्रतिवेदन बुझाएको छ । प्रतिवेदनको आधारमा विवाद समाधान गर्न समितिले शीर्ष नेताहरुलाई जिम्मेवारी दिएको छ । सोही अनुसार शीर्ष नेताहरुले छलफल गर्न लागेका हुन् ।
यो खबर पढेर तपाईलाई कस्तो महसुस भयो ?
प्रतिक्रिया