काठमाडौं । जारी टोकियो ओलम्पिक २०२० अन्तर्गत पुरुष फुटबल विधातर्फ दुई बलिया टोली ब्राजिल र स्पेन फाइनलमा पुगेका छन्।
मंगलवार खेलिएका सेमी फाइनल खेलमा मेक्सिको अण्डर-२३लाई पेनाल्टी शूटआउटमा पराजित गर्दै ब्राजिल लगातार तेस्रो पटक ओलम्पिक फुटबल फाइनलमा पुग्न सफल भएको छ। पछिल्ला १० खेलमा अपराजित रहेको सन् २०१२ को उप-विजेता तथा सन् २०१६ को स्वर्ण पदक विजेता ब्राजिललाई फाइनलमा स्पेनको चुनौती भने कठिन हुनेछ।
घरेलु टोली जापान अण्डर-२३लाई अतिरिक्त समयमा पराजित गर्दै फाइनलमा स्थान बनाउन सफल स्पेनलाई शुरुदेखि नै यस पटकको दावेदार टोली मानिएको थियो।
सेमी फाइनलको नतिजा
मेक्सिको अण्डर-२३ १-४ ब्राजिल अण्डर-२३
स्थान: काशीमा स्टेडियम
९० मिनेट: ०-०
अतिरिक्त समय: ०-०
पेनाल्टी शूटआउट: १-४
जापान अण्डर-२३ ०-१ स्पेन अण्डर-२३
स्थान: साइटामा स्टेडियम
९० मिनेट: ०-०
अतिरिक्त समय: ०-१
(मार्को एसेन्सियो, ११५ मिनेट)
अब स्वर्ण पदकको लागि ब्राजिल र स्पेन अगस्ट ७, शनिवार आमने सामने हुनेछन् भने काश्य पदक खलेमा जापान र मेक्सिकोले अगस्ट ६, शुक्रवार प्रतिस्पर्धा गर्नेछन्।
यो खबर पढेर तपाईलाई कस्तो महसुस भयो ?
प्रतिक्रिया