महन्थले दायर गरेको मुद्दामा आज सुनुवाइ हुँदै

काठमाडौं । जनता समाजवादी पार्टी (जसपा) को विवादबारे महन्थ ठाकुरले दायर गरेको रिटमा आज सुनुवाई हुँदैछ ।

सर्वोच्च अदालतमा न्यायाधीश ईश्वरप्रसाद खतिवडाको इजलासमा आजको लागि पेसी तोकिएको हो ।

निर्वाचन आयोगले जसपाको उपेन्द्र बाबुराम पक्षलाई आधिकारिकता दिएपछि महन्थले आफूमाथि अन्याय भएको भन्दै रिट निवेदन दर्ता गराएका थिए ।

आयोग र उपेन्द्र पक्षलाई समेत विपक्षी बनाइएको उक्त रिटमा आज सुनुवाई हुन लागेको हो ।