११ आश्विन २०७८, सोमवार

किशोर किशोरीलाई खर्च गर्न सरकारले दियो एकचालिस हजार रूपैंया

२०७८,श्रावण,१७,आईतवार ०१:००


फ्रान्सका किशोर–किशोरीलाई आफ्नो देशको कला, संस्कृतिसँग नजिक बनाउन सरकारले साढे ४१ हजार रुपैंया दिने अभियान थालेको छ ।
फ्रान्सका राष्ट्रपति इम्यानुल म्याक्रोले सारेको यो महत्वकांक्षी योजनाको अहिले चर्चा चलेको छ । राष्ट्रपति इम्यानुलले १८ वर्ष भन्दा कम उमेरका किशोर–किशोरीलाई लक्षित गरेर ल्याएको यो अभियानको रकम उनीहरूले दुई वर्ष भित्रमा खर्च गर्नुपर्ने हुन्छ । यो रकम भने सरकारले तोकेको मापदण्ड अनुसार मात्र उनीहरूले खर्च गर्न पाउने सर्त पनि राखेको छ ।
सरकारले किशोर किशोरीहरूलाई आफ्नो देशको कला संस्कृतिको बारेमा उल्लेख भएको पुस्तक र आफ्नै देशमा निर्माण गरिएको भिडियो गेम, सांस्कृतिक कार्यक्रमहरूको अवलोकन जस्ता विषयमा मात्र खर्च गर्न पाउने नियम राखेका छन् । भिडियो गेम किन्दा कुनै पनि किसिमको हिंस्रक भएको गेमहरू हुन नपाउने रहेको छ । यसका लागि किशोर किशोरीले सरकारले तोकेको ‘कल्चरल प्लस’ एप मार्फत गेम लगायत अरू कुराहरू खरिद गर्नु पर्ने प्रावधान राखिएको छ ।
लकडाउनका कारण किशोर किशोरीहरू लामो समय लगभग एकान्त जस्तै भएको कारण उनीहरूमा देशको कला संस्कृति सम्बन्धी जागरण ल्याउन यो अभियान थालेको जनाइएको छ । यो अभियानमा आबद्ध हुने किशोर किशोरीले उक्त एप मार्फत ८ हजार भन्दा बढी विभिन्न संस्थाहरू मार्फत आफ्नो सेवा लिन सक्नेछन् । यसमा फिल्म, म्युजिक कन्सर्ट, नाटक र विभिन्न सांस्कृतिक कार्यक्रमहरू पनि रहेको छ ।
यो अभियानमा संलग्न फ्रान्सको सांस्कृतिक मन्त्रालयले युवा अवस्थामा प्रवेश गर्न लागेका किशोर किशोरीहरूलाई आफ्नो देशको संस्कृतिसँग जोड्न सजिलो हुने र यसले प्रभाव पनि पार्ने बताएको छ । यो एपलाई राष्ट्रिय एपको रूपमा परिणत गर्न लाग्दा अहिलेसम्म ७३ प्रतिशत किशोर किशोरीहरूले यसलाई आफ्नो मोबाइलमा राखेर सांस्कृतिक गतिविधिमा रुचि देखाएका छन् । यस्तै ३२ प्रतिशत सङ्ग्रहालय गएका र भिडियो गेममा भन्दा किताब किन्नमा बढी रुचि देखाएको पाइएको थियो ।

प्रकाशित मिति: २०७८,श्रावण,१७,आईतवार ०१:००

प्रतिक्रिया दिनुहोस !
सम्बन्धित खबरहरु

काठमाडौं । सोमालियाको राजधानी मोगादिसुमा भएको बम आक्रमणमा परी कम्तीमा पनि सात जनाको ज्यान गएको छ । साथै सो आक्रमणबाट

नयाँ दिल्ली। भारतीय प्रधानमन्त्री नरेन्द्र मोदीले विश्वमञ्चमा भारतको भूमिका र बृहत दृष्टिकोण प्रस्तुत गर्दै संयुक्त राष्ट्रसंघको प्रभावकारिता र विश्वसनीयतामाथि प्रश्न

काठमाडौं । भारत, जापान र अष्ट्रेलियाका सरकार प्रमुखसँगको बैठकका क्रममा अमेरिकी राष्ट्रपति जो बाइडेनले अमेरिका र इन्डो प्यासिफिक क्षेत्रका साझेदार

सोमालिया । सोमालियाको राजधानी मोगादिसुमा भएको बम आक्रमणमा परी कम्तीमा पनि सात जनाको ज्यान गएको छ । साथै सो आक्रमणबाट

ताजा समाचार

आज ४२औँ विश्व पर्यटन दिवस मनाइँदै
 २०७८,आश्विन,११,सोमवार ०६:५४
हेर्नुहोस् आजको राशिफल
 २०७८,आश्विन,११,सोमवार ०६:४५
प्रदेश नं १ मा कोरोना सङ्क्रमण दर घट्दो
 २०७८,आश्विन,१०,आईतवार २२:२४
सुदूरपश्चिम : सातामै न्यून सङ्क्रमण
 २०७८,आश्विन,१०,आईतवार २१:०७