६ आश्विन २०७८, बुधबार

निरोगी बन्नु छ भने महलाई यसरी खानुस्

२०७८,श्रावण,१६,शनिवार ०५:३०


अरू महिनाको तुलनामा वर्षा महिनामा यो यो कुरा खान हुन्छ, यो यो कुरा खानु हुँदैन भन्ने धेरै किसिमका भनाइहरू देखा पर्ने गर्छ । अझ साउन महिनामा त यस्ता खान हुने र खान नहुने कुराहरूको फेहरिस्त लामै हुने गर्छ ।

वर्षा महिनामा कोही दूध दही खान हुदैंन भन्छन् भने कोही हरियो साग खान हुँदैन भन्छन् । त्यसैले वर्षा महिनामा के खान हुन्छ र के खानै पर्छ भन्ने विषयमा भने जो कोहीले स्पष्ट रूपमा भन्न सक्दैनन् ।

हामी तपाईँलाई वर्षा महिनामा के खानेकुरा अनिवार्य रूपमा खानु पर्छ भन्ने विषयमा जानकारी दिदैं छौँ । यस्ता खानेकुरा बच्चा देखि बृद्धबृद्धासम्मलाई अनिवार्य रूपमा खुवाउने हो भने उनीहरूलाई वर्षा मौसममा हुने धेरै किसिमका रोगहरूबाट बचाउन समेत सकिन्छ ।

वर्षा महिनामा तपाईँले जे जस्तो किसिमको खानेकुरा खाए पनि महलाई भने अनिवार्य रूपमा खाने गर्नुपर्छ । आयुर्वेदमा पनि महका धेरै गुणहरू व्याख्या गरिएको छ ।

बजारमा सजिलै पाइने र वर्षा मौसममा निकै नै प्रभावकारी मानिने महलाई बिशेषत वर्षा मौसममा सेवन गर्दा यस्तो किसिमको फाइदाहरू गर्छ ।

मह खाँदा शरीरलाई यस्तो किसिमको फाइदा हुन्छ

– महको नियमित सेवनले रोग प्रतिरोधी क्षमताको वृद्धि गर्छ ।

– महको नियमित सेवनले शरीर भित्रका विकारहरूलाई बाहिर निकाल्न मद्दत गर्छ ।

– महको नियमित सेवनले आँखाको ज्योतिलाई सकभर कमजोर हुन दिँदैन ।

– महको सेवनले कब्जियतको समस्या समाधान हुन्छ ।

– घाँटीमा कुनै किसिमको समस्या छ भने त्यसलाई हटाउन महको सेवन उत्तम मानिन्छ ।

– थकान र कमजोरी हुन्छ भने महको नियमित सेवन गर्नुपर्छ ।

– अनिन्द्राको समस्यालाई महको सेवनले हटाउने गर्छ ।

– महको सेवनले खोकी र ज्वरो हुन दिँदैन ।

– मांसपेशीमा हुने थकान र मांसपेशी बटारिने समस्या कम हुन्छ ।

– पाचन क्रियालाई राम्रो गर्छ ।

महलाई यसरी खान सकिन्छ

– बिहान मन तातो पानीमा एक चम्चा मह मिलाएर खान सकिन्छ ।

– दुई चम्चा महमा एक चम्चा अदुवाको रस मिलाएर सेवन गर्न सकिन्छ ।

– मनतातो दूधमा एक चम्चा मह मिसाएर नियमित सेवन गर्न सकिन्छ ।

– दैनिक १–२ चम्चा मह खान पनि सकिन्छ ।

– मनतातो पानीमा कागतीको रसमा मह मिसाएर पिउन सकिन्छ ।

महमा के कस्तो किसिमको पौष्टिक तत्त्व हुन्छ ?

महमा एन्टि ब्याक्टेरियल र एन्टिसेप्टिक गुण हुन्छ । महमा कार्बोहाइड्रेट, प्रोटिन, भिटामिन ए, बी, सी, जिङ्क, कपर, आइरन, म्याग्नेसियम, क्याल्सियम, फस्फोरस, पोटासियम र सोडियम जस्ता पौष्टिक तत्त्व पाइन्छ । यस्ता पौष्टिक तत्त्वले शरीरलाई राम्रो गर्ने गर्छ ।

प्रकाशित मिति: २०७८,श्रावण,१६,शनिवार ०५:३०

प्रतिक्रिया दिनुहोस !
सम्बन्धित खबरहरु

आज विश्व अल्जाइमर दिवस । प्रत्येक वर्षको सेप्टेम्बर २१ तारिखलाई विश्व अल्जाइमर दिवसको रूपमा मनाइदैं आइएको छ । यो वर्ष

अधिकांशमा एउटा भ्रम देख्छु म, कि तौल कम गर्नका लागि उमालेको अण्डा शरीरको तौल कम गर्न उपयोगी डाइट हो ।

डा. हेमराज कोइराला I लामो आयु बाँचेकाहरूको दीर्घजीवनका रहस्यहरू केलाउँदै जाने हो भने उनीहरू लामो उमेरसम्म बाँच्नुको मुख्य कारण पैदल

हाइलाइट्स गेस्ट्रेक्टोमी केलाई भनिन्छ? चिकित्सकले कस्तो अवस्थामा गेस्ट्रेक्टोमी अप्रेसन गर्ने सल्लाह दिनसक्छन्? गेस्ट्रेक्टोमी कस्ले गर्नुहुन्न?शल्यक्रिया अघि उल्लेखित विषयहरुमा ध्यान राख्न

ताजा समाचार

यस्तो छ आजको विनिमयदर
 २०७८,आश्विन,६,बुधबार ०९:११
कागबेनीमा श्रद्धालुको भिड
 २०७८,आश्विन,६,बुधबार ०८:०६