काठमाडौं। जारी टोकियो ओलम्पिक २०२० अन्तर्गत महिला १०० मीटर दौड विधामा नेपालकी सरस्वती चौधरीले औसत प्रदर्शन गरेकी छिन्।
टोकियो ओलम्पिक स्टेडियममा शुक्रवार बिहान भएको स्पर्धामा सरस्वतीले हिट २ मा रहेर प्रतिस्पर्धा गरेकी थिइन्। ९ प्रतिस्पर्धी रहेका हिट २ सरस्वतीले १२.९१ सेकेन्ड लगाएर पूरा गरेकी थिइन्।
यसै स्पर्धामा सरस्वतीको उत्कृष्ट समय १२.५५ सेकेन्डको रहेको थियो। सरस्वतीले आफ्नै प्रदर्शनमा पनि सुधार गर्न नसक्दा उनी ८औं स्थानमा रहन सफल भइन्। हिट २ विजेता इरानकी फसिही फर्जेनाहले ११.७६ सेकेन्डमा दौड पूरा गरेकी थिइन्।
लेन २ मा रहेर प्रतिस्पर्धा गरेकी सरस्वतीले साउदी अरेबियाकी यासमिन अल्दाबाघलाई पराजित गर्न सफल भएकी थिइन्। प्रतिस्पर्धामा सरस्वतीको रियाक्सन समय ०.१५८ रहेको थियो।
सरस्वती बाहिरिएसँगै नेपालको टोकियो ओलम्पिक यात्रामा पूर्णविराम लागेको छ। नेपालका ५ खेलाडीले ४ विधामा प्रतिस्पर्धा गरेका थिए। जसमध्ये सबै खेलाडी पहिलो चरणबाटै बाहिरिने पुगे।
यो खबर पढेर तपाईलाई कस्तो महसुस भयो ?
प्रतिक्रिया