११ आश्विन २०७८, सोमवार

कांग्रेस केन्द्रीय कार्यालयमा नेता, कार्यकर्ताको आमरण अनशन जारी

२०७८,श्रावण,१०,आईतवार २१:०१


काठमाडौं । नेपाली कांग्रेसको क्रियाशिल सदस्यता वितरणमा धाँधली भएको भन्दै पार्टी केन्द्रीय कार्यालय सानेपामा विभिन्न जिल्लाका नेता, कार्यकर्ताहरुले आमरण अनशनलाई जारी राखेका छन् ।

कांग्रेसको क्रियाशिल सदस्यता वितरणमा केन्द्रीय छानविन समितिले आफ्नो ढंगले मनोमानी गरेको भन्दै प्रदेश नं. २ का विभिन्न जिल्लाका नेता, कार्यकर्ताहरुले पार्टी केन्द्रीय कार्यालय सानेपामा आमरण अनशन तथा धर्ना कार्यक्रम गरिरहेका छन् । क्रियाशिल सदस्यता वितरणमा धाँधली गरिएको तथा पार्टीको विधान, नियमावली र केन्द्रीय परिपत्र विपरित नयाँ क्रियाशिल सदस्यता वितरण गरिएको विरोधमा कांग्रेस धनुषा जिल्ला समितिले गरेको आमरण अनसन आइतबार ८ आँै दिनमा पुगेको छ । धनुषा निर्वाचन क्षेत्र नं. १ का महासमिति सदस्य रामपल्टन साह नेपाली कांग्रेस धनुषाको प्रारम्भिक छानविन समितिको निर्णयलाई केन्द्रीय छानविन समितिले कुनै वास्ता नगरी क्रियाशिल सदस्यताको आफ्नो ढंगले छानविन गरेको र प्रक्रिया मिचेर क्रियाशिल सदस्यता दिएको विरोधमा आमरण अनसन बसिरहेको बताउँछन् । क्षेत्रिय सभापतिहरुले विधान, नियमावली, केन्द्रीय परिपत्र विपरित विधि, पद्धती मिचेर क्रियाशिल सदस्यता वितरण गरेका कारण अनसन बस्न बाध्य भएको उनले बताए ।

नेपाली कांग्रेसका नेताद्धय रामशरण महत र प्रकाशशरण महत वार्ता गर्न आएपनि कुनै ठोस निर्णय दिन नसकेको उनले बताए । आफुहरुको माग पुरा नभएसम्म सत्याग्रह जारी राख्ने साहले बताए ।

त्यसैगरी, नेपाली कांग्रेस बाराका निर्वाचन क्षेत्र नं. १,२, ३ र ४ का नेता कार्यकर्ताहरु पनि पार्टी केन्द्रीय कार्यालय सानेपामा चारदिन देखि धर्नामा बसिरहेका छन् । बारा जिल्लाका कार्यकर्ताहरुलाई १४ औँ महाधिवेशनमा वञ्चित गर्नेगरी बाराबाट पठाइएको नयाँ र पुरानो क्रियाशिल सदस्यताको विवरण नहेरीकन केन्द्रबाट सोझै १३ वटा वडाको क्रियाशिल सदस्य प्रवेश इन्ट्री गरिएकाले धर्ना बस्नुपरेको नेपाली कांग्रेस बाराका सभापति जयचन्द चौरसियाले बताए । नेपाली कांग्रेसको विधान र निर्देशिकाभित्रको समावेशितालाई सदस्यता वितरणमा पनि ध्यान पु¥याउनुपर्ने उनले बताए ।

केन्द्रीय छानविन समितिको हैकमवादी र मनोमानी सोचले बाराका दलित, पिछडिएका वर्ग, आदिवासी, मुस्लिमहरुलाई सक्रिय सदस्यताबाट वञ्चित गर्न खोजिएको उनले बताए । माग पुरा नभएसम्म आन्दोलन जारी रहने चौरसियाले बताए ।

प्रकाशित मिति: २०७८,श्रावण,१०,आईतवार २१:०१

प्रतिक्रिया दिनुहोस !
सम्बन्धित खबरहरु

काठमाडौं । आज सेप्टेम्बर २७ अर्थात् ४२ औँ विश्व पर्यटन दिवस नेपालमा पनि विविध कार्यक्रमको आयोजना गरी मनाइँदैछ । कोभिड–१९

धनुषा । लोकतान्त्रिक समाजवादी पार्टी (लोसपा) नेपालका अध्यक्ष महन्थ ठाकुरले मधेसको समस्या समाधान नभएसम्म देशमा अस्थिरता आउन नसक्ने भएकाले त्यसतर्फ

डोटी । सत्तारुढ दल नेपाली कांग्रेसको १४औँ महाधिवेशनअन्तर्गत डोटीका नौवटै स्थानीय तहमा अधिवेशन सम्पन्न भएका छन् । शनिबार र आइतबार

काठमाडौं । नेकपा एमालेका उपमहासचिव घनश्याम भुसालले पार्टीको मार्गदर्शक सिद्धान्त ‘जनताको बहुदलीय जनवाद’ (जबज) माथि प्रश्न उठाएका छन् । अध्यक्ष

ताजा समाचार

आज ४२औँ विश्व पर्यटन दिवस मनाइँदै
 २०७८,आश्विन,११,सोमवार ०६:५४
हेर्नुहोस् आजको राशिफल
 २०७८,आश्विन,११,सोमवार ०६:४५
प्रदेश नं १ मा कोरोना सङ्क्रमण दर घट्दो
 २०७८,आश्विन,१०,आईतवार २२:२४
सुदूरपश्चिम : सातामै न्यून सङ्क्रमण
 २०७८,आश्विन,१०,आईतवार २१:०७