११ आश्विन २०७८, सोमवार

मन्त्री छान्न प्रचण्डलाई सकस, उपप्रधानमन्त्री बन्ने नारायणकाजीको दाउ

२०७८,श्रावण,१०,आईतवार १३:५३


काठमाडौं । शनिबार सत्तारुढ गठबन्धनमध्येको नेकपा माओवादी केन्द्रका अध्यक्ष पुष्पकमल दाहाल प्रचण्डले मन्त्रीको नाम टुंगो लगाउन सकस भइरहेको बताए । नेकपाका संस्थापक नेता नरबहादुर कर्माचार्यको ८ औं स्मृति दिवसका अवसरमा आयोजित कार्यक्रमलाई सम्बोधन गर्दै अध्यक्ष दाहालले सबै जना मन्त्रीका लागि आकांक्षी बन्दा टुंगो लगाउन सकस भएको बताएका हुन्।

मन्त्री बनाउनका लागि चारै तिरबाट दबाव आएको उनको भनाइ थियो । अध्यक्ष दाहालले भनेका थिए– ‘मन्त्री बन्न दबाव दिने मान्छेको हुलभित्रबाट आएको छु । चारै तिरबाट दबाव आएको छ । मेरो दिमागमा आतंक सृजना भएको छ । कसलाई मन्त्री बनाउने र कसलाई नबनाउने भनेर ।’


गत साउन ४ गते प्रधानमन्त्री शेरबहादुर देउवाले विश्वासको मत प्राप्त गरेका थिए । विश्वासको मत प्राप्त गरेसँगै मन्त्रिपरिषद् विस्तार गर्ने तयारी गरिएको छ । तर मन्त्रिपरिषदलाई पूर्णता दिन नेपाली कांग्रेस, माओवादी केन्द्र र जनता समाजवादी पार्टी नेपालबाट समेत मन्त्रीको टुंगो लगाउन सकिरहेका छैनन् । अहिले कांग्रेस सभापति शेरबहादुर देउवाको नेतृत्वमा पाँच सदस्यीय मन्त्रिमण्डल रहेको छ ।

पार्टीका सबै सांसदलाई मन्त्री बन्न हतार रहेको अध्यक्ष प्रचण्डले बताएका थिए । आफूले चाहे अनुसारको जिम्मेवारी नपाएमा नेतृत्वलाई सराप्ने प्रवृति मौलाएको उनको भनाइ थियो । उनले भनेका थिए– ‘हाम्रा सबै सांसदलाई मन्त्री बन्नुछ । हामीले पाउने बढीमा ७ वटा हो । पार्टीभित्रका सबै सांसद मन्त्री बन्ने दौडमा हुनुुहुन्छ । ठूलै नियुक्ति पायो भने ठीक छ । तर पाएन भने नेतृत्वलाई सरापेर हिड्ने प्रवृति छ ।’

माओवादी केन्द्रका एक स्थायी कमिटी सदस्यका अनुसार पार्टीभित्रका स–सना समूहले भाग खोजेकाले प्रचण्डलाई मन्त्रिमण्डलमा पठाउन गलपासो भइरहेको हो । ती स्थायी कमिटी सदस्य भन्छन्– ‘पार्टी प्रवक्ता नारायणकाजी श्रेष्ठ आफै उपप्रधानसहितको मन्त्री बन्ने वा आफू पक्षका कम्तिमा दुई जनालाई मन्त्री बनाउनुपर्ने दाउमा हुनुहुन्छ । यस्तै भागबण्डाका कारण नै अध्यक्षलाई सकस भएको होला ।’

मन्त्री बन्ने दौडमा को को छन् ?

माओवादी स्थायी कमिटीमा रहेका अधिकांश नेताहरुले मन्त्री बन्ने दौडधूप गरिरहेका छन् । जसमध्ये प्रवक्ता नारायणकाजी श्रेष्ठ, हरिबोल गजुरेल, देवेन्द्र पौडेल, देवप्रसाद गुरुङलगायतको नाम अग्रपंक्तिमा रहेको छ ।

साथै मातृका यादव, अमनलाल मोदी र शिवकुमार मण्डलको पनि मन्त्री बन्ने चर्चा छ । प्रवक्ता श्रेष्ठले उपप्रधानसहितको मन्त्रालयको माग गरिरहेको ती स्थायी कमिटी सस्यको दाबी छ । आफूले उपप्रधानसहितको मन्त्रालय नपाएमा आफू पक्षका कम्तिमा दुई जनालाई मन्त्री बनाउनुपर्ने प्रवक्ता श्रेष्ठको अडान रहेको बुझिएको छ ।

प्रतिनिधि सभामा माओवादीका सभामुखसहित ४९ सांसद रहेका छन् । जसमध्ये जनार्दन शर्मा अर्थ र पम्फा भुसाल ऊर्जा, जलस्रोत तथा सिंचाइमन्त्री बनिसकेका छन्।

प्रकाशित मिति: २०७८,श्रावण,१०,आईतवार १३:५३

प्रतिक्रिया दिनुहोस !
सम्बन्धित खबरहरु

काठमाडौं । आज सेप्टेम्बर २७ अर्थात् ४२ औँ विश्व पर्यटन दिवस नेपालमा पनि विविध कार्यक्रमको आयोजना गरी मनाइँदैछ । कोभिड–१९

धनुषा । लोकतान्त्रिक समाजवादी पार्टी (लोसपा) नेपालका अध्यक्ष महन्थ ठाकुरले मधेसको समस्या समाधान नभएसम्म देशमा अस्थिरता आउन नसक्ने भएकाले त्यसतर्फ

डोटी । सत्तारुढ दल नेपाली कांग्रेसको १४औँ महाधिवेशनअन्तर्गत डोटीका नौवटै स्थानीय तहमा अधिवेशन सम्पन्न भएका छन् । शनिबार र आइतबार

काठमाडौं । नेकपा एमालेका उपमहासचिव घनश्याम भुसालले पार्टीको मार्गदर्शक सिद्धान्त ‘जनताको बहुदलीय जनवाद’ (जबज) माथि प्रश्न उठाएका छन् । अध्यक्ष

ताजा समाचार

खुले काठमाडौं महानगरका विद्यालय
 २०७८,आश्विन,११,सोमवार ०७:०४
आज ४२औँ विश्व पर्यटन दिवस मनाइँदै
 २०७८,आश्विन,११,सोमवार ०६:५४
हेर्नुहोस् आजको राशिफल
 २०७८,आश्विन,११,सोमवार ०६:४५
प्रदेश नं १ मा कोरोना सङ्क्रमण दर घट्दो
 २०७८,आश्विन,१०,आईतवार २२:२४