२२ श्रावण २०७८, शुक्रवार

राष्ट्र बैंकसहित १५ बैंक ह्याक गरी पैसा चोर्ने धम्की : नडराउन आग्रह

२०७८,श्रावण,७,बिहीवार ११:५८


काठमाडौं । ह्याकरहरुले अहिलेसम्मकै ठूलो ह्याकिङ गरी पैसा चोर्ने धम्की दिएको छ ।

ह्याकरले नेपाल राष्ट्र बैंकलाई इमेलमार्फत राष्ट्र बैंकसहित विभिन्न १५ वटा वाणिज्य बैंक ह्याक गरी पैसा चोर्ने धम्की दिएको हो ।

राष्ट्र बैंकलाई यस्तो धक्की आएको खबर बाहिरीएपछि बैंकिङ क्षेत्र त्रसित बनेको छ । राष्ट्र बैंक स्रोतका अनुसार बुधवार दिउँसो साढे ३ बजे ह्याकरको इमेल आएको थियो ।

ह्याकरले राष्ट्र बैंकसहित कुमारी बैंक, नेपाल बैंक, नबिल बैंक, राष्ट्रिय वाणिज्य बैंक, माछापुच्छ्रे बैंक, एनएमबि बैंक, एनआइसी एसिया बैंक, बैंक अफ काठमाण्डू, सिटिजन्स इन्टरनेशनल बैंक, सानिमा बैंक, नेपाल एसबीआइ, एभरेष्ट, नेपाल इन्भेष्टमेन्ट र हिमालय बैंक ह्याक गरी पैसा चोर्ने धम्की दिएको जनाइएको छ । ह्याकरले २४ घण्टाभित्र अफलाइन तथा अनलाइन दुवै तरिकाबाट पैसा चोरी गर्ने जनाएको छ ।

ह्याकरको धम्कीपछि बैंकहरु त्रसित भइरहेका बेला राष्ट्र बैंकले अपवाह फैलाउन यस्तो धम्की दिएको जनाएको छ । ‘‘ धम्कीपूर्ण इमेल आएकै होइन, तर म्यासेजको टेक्स भाइरल भएको छ ।’’ राष्ट्र बैंकका सह प्रवक्ता नारायणप्रसाद पोखरेलले भने । यो अपवाह मात्रै भएकाले बैंकहरुलाई त्रसित नहुन उनले आग्रह गरे । ह्याकरको धक्की आएलगत्तै राष्ट्र बैंकले आफ्नो आइटी विभागलाई सक्रिय बनाएको छ । ह्याकरले ह्याक गर्ने भनिएका सम्पूर्ण बैंकहरुको प्रणाली पनि राष्ट्र बैंकले परीक्षण गरिसकेको छ । ‘‘हाम्रो प्रणालीमा कुनै पनि समस्या छैन,डराउनुपर्ने अवस्था छैन ।’’ सहप्रवक्ता पोखरेलले भने ।

राष्ट्र बैंकले आज बिहान पनि आफ्नो बैंकलगायत बैंक तथा वित्तीय संस्थाहरुको समेत प्रणाली चेक गरिरहेको जनाएको छ । प्रणालीमा कुनै समस्या आउन नदिन राष्ट्र बैंकले पूर्णरुपमा तयारी गरेको छ । ‘‘हाम्रो आइटी विभागले काम गरिरहेको छ,आत्तिनुपर्ने अवस्था छैन ।’’ पोखरेलले भने ।

बैंकिङ क्षेत्रले प्रणाली बलियो बनाएको भन्दै ह्याकरले सजिलै डाटा ह्याक गर्न नसक्ने राष्ट्र बैंकको दाबी छ । साथै राष्ट्र बैंकको आइटी विभाग तथा ह्याक गरिने भनिएका बैंकहरुको प्रणाली पनि पूर्णरुपमा सुरक्षित बनाइएकाले डराउनुपर्ने अवस्था नभएको सहप्रवक्ता पोखरेलले दोहोर्‍याए ।

प्रकाशित मिति: २०७८,श्रावण,७,बिहीवार ११:५८

प्रतिक्रिया दिनुहोस !
सम्बन्धित खबरहरु

काठमाडौं । जनता समाजवादी पार्टीको आधिकारिकता गुमाएको जनता समाजवादी पार्टीको महन्थ ठाकुर पक्षले शुक्रवार तराईका चार जिल्लामा बैठक गर्दैछ ।

काठमाडौं । नेकपा एमालेका वरिष्ठ नेता माधवकुमार नेपाल पक्षको केन्द्रीय कमिटी बैठक आज पनि बस्दैछ । बैठक साढे ११ बजे

काठमाडौं । स्पेनिश क्लब बार्सिलोना र कप्तान लियोनल मेस्सीबीच सम्झौता नवीकरणको प्रयास असफल भएसँगै मेस्सीले क्लब छाड्ने पक्का भएको छ।

कैलाली । कर्मचारी सञ्चय कोष शाखा कार्यालय धनगढीले आर्थिक वर्ष २०७७/०७८ मा २४१ सञ्चयकर्तालाई झण्डै ३५ करोड ८० लाख रुपैयाँ

ताजा समाचार

इजरायलको रोजगारीमा ठगी धन्दा
 २०७८,श्रावण,२२,शुक्रवार ०७:४८