जनकपुरधाम। धुनषामा करेन्ट लागेर एक जनाको मृत्यु भएको छ । मृत्यु हुनेमा जिल्लाको धनुषाधाम नगरपालिका वडा नम्वर ७ बस्ने २४ वर्षीय धनी यादव रहेको प्रहरीले जनाएको छ ।
लेनदेनको विषयमा सोही ठाउँ बस्ने २६ वर्षीय रामबाबु मण्डललाई कुटपिट गरी घरतर्फ भागिरहेका २६ वर्षीय रामजीवन यादव, १७ वर्षीय राजुकुमार साह र धनी यादवमध्ये धनीको करेन्ट लागेर मृत्यु भएको प्रहरीले जनाएको छ ।
धनुषाधाम नगरपालिका वडा नम्वर ७ का रामबहादुर मण्डलले आफ्नो भण्टाबारीमा जङगली बँदेलबाट बचाउनका लागि नाङ्गो तारले कम्पाउण्ड घेरी करेन्ट छोडेको तारमा परेर घाइते भएका धनीको प्रादेशिक अस्पताल जनकपुरमा उपचारको क्रममा मृत्यु भएको हो ।
करेन्ट लागेर गम्भीर घाइते भएका रामजीवन र राजुको रामजानकी अस्पतलामा उपचार भइरहेको छ । करेन्ट छोड्ने रामबहादुर मण्डललाई प्रहरीले नियन्त्रणमा लिई थप अनुसन्धान भईरहेको प्रहरीले जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया