काठमाडौं । फेसबुकले आगामी वर्ष कन्टेन्ट क्रियटरहरूलाई रिवार्डस्वरुप एक अर्ब अमेरिकी डलर उपलब्ध गराउने भएको छ । फेसबुकमा कम्पनीका विभिन्न उत्पादनलाई भिन्न तरिकाले प्रयोग गर्ने क्रियटरहरूलाई यस्तो रकम उपलब्ध गराइने उल्लेख छ ।
क्रियटरको भिडिओमा विज्ञापन राखेबापत तथा लाइभ स्ट्रिमिङमा निश्चित लक्ष्य पुरा गरेबापत यस किसिमको रिवार्ड पाउनेछन् । जुन फेसबुकका साथै इन्स्टाग्राम तथा आईजी टिभी र रिल्समा समेत लागू हुनेछ ।
फेसबुकले यस किसिमको रकम हाल इन्भिटेसनका आधारमा मात्र उपलब्ध गराउँदै आएको छ । तर आम्दानी गर्न सकिने नयाँ विकल्प भने चाँडै सार्वजनिक गरिने कम्पनीका संस्थापक मार्क जुकरबर्गले उल्लेख गरेका छन् ।
यो खबर पढेर तपाईलाई कस्तो महसुस भयो ?
प्रतिक्रिया