काठमाडौं । फेसबुक म्यासेन्जरको सुरक्षा अपडेट आउन भइरहेको ढिलाईका कारण प्रयोगकर्ताको प्राइभेसीमा जोखिम भइरहेको छ ।
५ बिलियन भन्दा बढी प्रयोगकर्ता भएका म्यासेन्जरको सुरक्षा अपडेट ल्याउन ढिलाइ भएको भन्दै सुरक्षा विशेषज्ञले प्रयोगकर्तालाई चेतावनी दिएका छन् ।
म्यासेन्जरमा ‘इन्ड-टु-इन्ड इन्क्रिप्सन’ लागू नभएका कारण प्रयोगकर्ताको प्राइभेसी र कन्टेन्ट जोखिममा रहेको विशेषज्ञहरुले बताएका छन् ।
म्यासेन्जरमा ‘इन्ड-टु-इन्ड इन्क्रिप्सन’ लागू नभएसम्म दुई जनाबीच हुने कुराकानी तेस्रो व्यक्तिले हेर्न सक्छन् ।
अहिले दुई डिभाइसबाट म्यासेन्जरमा हुने कुराकानी तेस्रो पक्षले पहुँच राख्न सक्छ ।’ साइबर सुरक्षा विज्ञ ज्याक डोफम्यानले फोर्ब्समा लेखेका छन् ।
‘हामी धेरैलाई थाहा नहुन सक्छ फेसबुक म्यासेन्जरमा हालसम्म ‘इन्ड–टु–इन्ड इन्क्रिप्सन’ सेवा स्वतः रुपमा लागू गरिएको छैन । तपाईंले आफैंले सेटिङमा गएर यसलाई प्राइभेट कन्भर्सेसन गर्न भने सक्नुहुनेछ । तर, यो फिचर ग्रुप च्याटमा छैन ।’ डोफम्यानले थपे ।
The encryption debate is about all of our personal messages – and that must be acknowledged.https://t.co/IYqR8PQeVM
— Will Cathcart (@wcathcart) February 11, 2021
फेसबुकले केहीसमय अघिमात्रै म्यासेन्जर पनि ‘इन्ड–टु–इन्ड इन्क्रिप्सन’ सर्भिस उपलब्ध गराउने घोषणा गरेको थियो । यो फिचर आगामी वर्ष २०२२ मा प्रयोगकर्तामाझ उपलब्ध हुने बताइएको छ ।
- एजेन्सीको सहयोगमा
यो खबर पढेर तपाईलाई कस्तो महसुस भयो ?
प्रतिक्रिया