काठमाडौं । सर्वोच्च अदालतले दोस्रोपटक प्रतिनिधि सभा पुनर्स्थापना गरेको छ ।
आज सर्वोच्चले प्रतिनिधि सभा पुनर्स्थापना गर्दै विपक्षी गठबन्धनका उम्मेद्वार शेरबहादुर देउवालाई प्रधानमन्त्री नियुक्त गर्न परमादेश जारी गरेको हो ।
आज बसेको सर्वोच्चको संवैधानिक इजलासले कांग्रेस सभापति देउवालाई दुई दिनभित्र प्रधानमन्त्रीमा नियुक्त गर्न राष्ट्रपति कार्यालयलाई परमादेश जारी गरेको छ ।
गत जेठ ७ गते मन्त्रिपरिषद्को सिफारिसमा राष्ट्रपतिले अनुमोदन गरेको विघटनलाई सर्वोच्चले आज बदर गरिदिएको हो ।
प्रतिनिधि सभा विघटनविरुद्ध सर्वोच्चमा परेको मुद्दामा गत असार २१ गतेबाट बहस सकिएको थियो । आज प्रधानन्यायाधीशसहित ४ न्यायाधीशहरु छलफलमा रहेका थिए ।
यसअघि गत पुस ५ गते भएको प्रतिनिधि सभा विघटनलाई फागुन ११ गते सर्वोच्चले उल्ट्याइदिएको थियो ।
यो खबर पढेर तपाईलाई कस्तो महसुस भयो ?
प्रतिक्रिया