१० कार्तिक २०७८, बुधबार

डेंगु नियन्त्रणका लागि सामूहिक प्रयत्न

२०७४,आश्विन,२२,आईतवार ०६:०१

0
Shares

बर्दिवास, २२ असोज ।महोत्तरीको बर्दिबास क्षेत्रमा डेंगु रोग नियन्त्रणका लागि सामूहिक प्रयत्न थालिएको छ । जिल्ला स्वास्थ्य कार्यालय, बर्दिबास अस्पताल, बर्दिबास नगरपालिकाका जनप्रतिनिधि, सामाजिक संघसंस्था र नागरिक समाजका अगुवाले स्वास्थ्य संस्थासँगै डेंगु नियन्त्रणका लागि संयुक्त पहलकदमी बढाएका हुन् ।डेंगुको संक्रमण गराउने लामखुट्टे नियन्त्रणका लागि अहिले दक्ष टोली नगर क्षेत्रका बस्ती–बस्तीमा परिचालन गरिएको छ । डेंगु फैलाउने लामखुट्टे पानी जमेको ठाउँ र टायरका कापमा रहने गरेको पत्ता लागेपछि अहिले त्यस्ता ठाउँमा डेंगु फैलाउने लामखुट्टे नियन्त्रण अभियान थालिएको हो ।डेंगु नियन्त्रणका लागि बस्ती–बस्तीमा सरसफाइ र सचेतना कार्यक्रम भइरहेका छन् । पछिल्लो पटक मोटर ग्यारेजमा थुपारिएका पुराना टायर र सडक किनार एवं यत्रतत्र मिल्काइएका टायरका कापमा डेंगु फैलाउने लामखुट्टेका लार्भा भेटिएपछि जिल्ला स्वास्थ्य कार्यालयका दक्ष स्वास्थ्यकर्मीको नेतृत्वको संयुक्त टोलीले लार्भा नष्ट अभियान शुरु गरेको बर्दिबास नगरपालिकाका प्रमुख विदुरकुमार कार्कीले बताए ।दशैँ पर्वकै बीच महोत्तरीको बर्दिबास, धनुषाको मिथिला नगरपालिका क्षेत्र र सर्लाहीको ईश्वरपुर नगरपालिका क्षेत्रमा गएसाता ६० भन्दा बढीमा डेंगुको संक्रमण भेटिएको थियो ।बर्दिबासमा गतसाता २८ जना डेंगुका बिरामी भेटिएकामा १० जनाको अझै अस्पतालमा उपचार भइरहेको सो कार्यालयले जनाएको छ । 

प्रकाशित मिति: २०७४,आश्विन,२२,आईतवार ०६:०१

प्रतिक्रिया दिनुहोस !
सम्बन्धित खबरहरु

काठमाडौं । प्लेटोको जन्म एथेन्सको नजिकै ईजिना नामक द्विपमा भएको थियो । उनको परिवार एक सामन्त वर्गको थियो । उनका

काठमाडौं । गौतम बुद्ध गौतम गोत्रमा आजभन्दा ५ सय ६३ इसाईपूर्वमा नेपालको लुम्बिनीमा जन्मिएका थिए । उनलाई बुद्ध धर्मका प्रणेता

श्वासप्रश्वाससम्बन्धी देखिने एलर्जिक राइनाइटिसको समस्या अहिले बढ्दै गएको चिकित्सकहरूले बताएका छन् । वायुमण्डलमा भएका विभिन्न किसिमका प्रदूषणदेखि शरीरको रोगप्रतिरोधी क्षमतामा

तौल घटाउनका लागि धेरै व्यक्तिले आफ्नो खानपानमा विभिन्न किसिमका परिवर्तन गरिरहेका हुन्छन् । खानपानमा परिवर्तन गरेरै तौल घटाउने लहरमा धेरैले

ताजा समाचार