नयाँ दिल्ली । दिल्ली मेट्रो जापान सोसाइटी अफ सिभिल इन्जीनियर्स अवार्डबाट सम्मानित भएको छ । उच्च गुणस्तर पूर्वाधार विकास गरेको भन्दै जापान सिभिल इन्जीनियर्स अवार्डबाट सम्मानित भएको हो । उत्कृष्ट सिभिल इन्जीनियरिङ अचिभमेन्ट अवार्ड २०२० का लागि प्रदान गरिएको हो ।
यो पुरस्कार विश्वभर सिभिल इन्जीनियरिङ्ग प्रविधिको विकासमा गरेको पूर्वाधारहरुमध्ये उत्कृष्टलाई प्रदान गरिन्छ । दिल्ली मेट्रोको पहिलो, दोस्रो र तेस्रो चरणहरु प्रतिष्ठित जापान सोसाइटी अफ सिभिल इन्जीनियर्स, उत्कृष्ट सिभिल इन्जीनियरिङ्ग अचिभमेन्ट अवार्ड २०२० बाट पुरस्कृत भइसकेको छ ।
जेएससीईले यसको पुरानो नोटमा उल्लेख गर्यो कि दिल्ली मेट्रोका परियोजनाहरूले भारतमा निर्माण स्थलहरूमा सुरक्षा र दक्षताको जागरूकता ल्याएका छन् र त्यहाँका बासिन्दाहरूलाई सुरक्षित र आरामदायी यातायात सेवा प्रदान गरेका छन्।
विगत दुई दशकहरूमा दिल्ली मेट्रोको सिभिल इन्जिनियरिङ उपलब्धिहरूलाई विश्वव्यापी मान्यता प्राप्त भएको छ र प्रख्यात अन्तर्राष्ट्रिय संस्थाहरूले त्यसको सराहना गरेका छन् ।
यसभन्दा पहिले, दिल्ली मेट्रोको पहिलो चरणको कार्यान्वयन जापान अन्तर्राष्ट्रिय सहयोग एजेन्सी (जाइका) द्वारा गरिएको हो । जुन पोष्ट मूल्यांकन अध्ययनमा उत्कृष्ट भएको थियो । अध्ययनले दिल्ली मेट्रोको परियोजना कार्यान्वयन क्षमतालाई पनि दर्साएको छ ।
स्थापना भएदेखि नै दिल्ली मेट्रो जापानसँग निकट सम्बन्ध रहेको बताइएको छ ।
जाइकाले दिल्ली मेट्रोको सबै चरणहरूलाई सहयोग पुर्याएको छ, जसमा चलिरहेको पीएच प्रोजेक्टलगायत न्यूनतम आर्थिक सहयोग गरिएको छ तर जापानी नवीन प्रविधि र अद्वितीय कार्य संस्कृतिको परिचय दिएर ज्ञान सहायताजस्ता उत्कृष्ट मूल्य प्रदान गरेको समेत जनाइएको छ ।
यो खबर पढेर तपाईलाई कस्तो महसुस भयो ?
प्रतिक्रिया