१४ जेष्ठ २०८०, आईतवार

सडक दुर्घटनाका पीडितलाई आर्थिक सहयोग

२०७४,आश्विन,२२,आईतवार ०४:५०

0
Shares

टोकियो, जापान, २२ असोज ।रोजगारीका लागि कतारमा गएका बागलुङका एक पीडित परिवारलाई जापानबाट आर्थिक सहयोग गरिएको छ ।गम्भीर घाइते गल्कोट–६ का गिरीबहादुर विश्वकर्माको उपचारार्थ ‘गल्कोट समाज जापान’ले पाँच लाख २० हजार ४२१ जापानी यान उपलब्ध गराएको हो ।उक्त समाजले जापानमा शुरु गरेको सहयोग अभियानअन्तर्गत संकलित रकम विश्वकर्मा परिवारलाई हस्तान्तरण गरिएको समाजका अध्यक्ष नरबहादुर थापाले बताए ।रोजगारीका लागि कतार गएका विश्वकर्माको सडक दुर्घटनामा परी अचेत अवस्थामा स्वदेशमै ल्याएर काठमाडौँको बिएण्डबी अस्पतालमा उपचार भइरहेको छ ।कमाउने मूल व्यक्ति विगत छ वर्षदेखि अचेत भएको र पारिवारिक अवस्था कमजोर भएको समाचार मूलधारका पत्रपत्रिकामा प्रकाशित भएपछि उक्त समाजले जापानको टोकियो, ओशाका, नागोयालगायतका स्थानमा सहयोगका लागि अभियान चलाएर दुईसातासम्म रकम संकलन गरेको थियो । विश्वकर्माको परिवारमा एक श्रीमती, एक छोरा र एक छोरी छन् ।यसअघि पनि जापानवासी नेपालीले रकम अभावमा उपचारमा समस्या भोगिरहेका मिर्गौलापीडित गायक तथा संगीतकार पूर्ण गुरुङ र मित्रलाल भुसाललाई सहयोग उपलब्ध गराएका थिए । गुरुङलाई तीन लाख ७८ हजार ९०५ र भुसालको उपचारका लागि एक लाख ३८ हजार ७४५ जापानी यान सहयोग गरिएको थियो ।

प्रकाशित मिति: २०७४,आश्विन,२२,आईतवार ०४:५०

प्रतिक्रिया दिनुहोस !
सम्बन्धित खबरहरु

राँझा । नेपालगञ्ज उपमहानगरपालिकाले यहाँ सञ्चालनमा रहेका सहकारीको अवस्था बुझ्न अनुगमन शुरु गरेको छ । नगरमा सञ्चालनमा रहेका सहकारीको अवस्था

काठमाडौं । बागमती प्रदेश सभा सांसद कृष्णकुमार तामाङ ‘समीर’ले आगलागी पीडितलाई राहत सामग्री प्रदान गरेका छन् । गत वैशाख २७

कैलाली । पूर्वाधार विकास निर्माणमा कैलालीको बर्दगोरिया अब्बल गाउँपालिकाको रुपमा परिचित हुन थालेको छ । सामाजिक, आर्थिक रुपान्तरणसँगै पूर्वाधार निर्माण

कैलाली । न्यू लालीगुँरास ग्रामीण विद्युत सहकारी संस्थाको १७ औँ वार्षिक साधारण सभा सम्पन्न भएको छ । कैलालीको बर्दगोरिया गाउँपालिका

ताजा समाचार

गणतन्त्र दिवसमा ४८२ कैदीले पाए आममाफी
 २०८०,जेष्ठ,१४,आईतवार १८:१९