३१ आश्विन २०७८, आईतवार

युरो कप खेल ४५ : लगातार तीन पेनाल्टी मिस गर्दा स्विट्जरल्यान्ड युरो कपबाट बाहिरियो, स्पेन सेमी फाइनलमा

२०७८,असार,१९,शनिवार ००:५१


काठमाडौं । जारी युरो कप २०२० अन्तर्गत शुक्रवार भएको पहिलो क्वार्टर फाइनल खेलमा स्पेनले स्विट्जरल्यान्डलाई पेनाल्टी ‘शुटआउट’मा ३-१ गोलले पराजित गरेको छ।

निर्धारित ९० मिनेटको खेलमा दुवै टोलीले १-१ गोलको बराबरी खेल्दा विजेता टुङ्गो लाग्न सकेको थिएन। पहिलो हाफको ८औं मिनेटमा स्पेनले खेलमा अग्रता लिएको थियो।

स्विस खेलाडी जकरियाको आत्मघाती गोलमा सन् २०१० को विश्वकप विजेता स्पेनले खेलमा १-० को पकड बनाउन सफल भएको थियो। तर दोस्रो हाफको ६८औं मिनेटमा स्विस कप्तान जेर्दान शाकिरीले गोल गर्दै स्विट्जरल्यान्डलाई बराबरीमा पुर्याउन सफल भए।

खेलको ७७औं मिनेटमा स्विस मिडफिल्डर रेमो फ्रेउलरले रातो कार्ड पाएर मैदान बाहिर निस्किन बाध्य हुँदा स्विट्जरल्यान्ड १० खेलाडीमा सीमित हुन पुग्यो। तर पनि निर्धारित ९० मिनेटको खेलमा विजेता टोलीको टुङ्गो नलाग्दा खेल अतिरिक्त समयतर्फ गएको हो। थपिएको ३० मिनेटको खेलमा पनि कुनै गोल हुन सकेन र पेनाल्टी शुटआउट नै अन्तिम विकल्प रह्यो।

स्पेनका कप्तान सर्जियो बुस्केट्सले प्रहार गरेको पहिलो पेनाल्टी पोस्टमा लागेर बाहिरियो। त्यसपछि स्विस खेलाडी गाभ्रानोभिचले आफ्नो पेनाल्टी मार्फत गोल गरे।

स्पेनले त्यस पश्चात् प्रहार गरेको चार पेनाल्टीमा तीन गोल गर्न सफल भयो। उता स्विट्जरल्यान्डले भने लगातार तीन पेनाल्टी किक मिस गर्न पुग्यो। स्विस खेलाडी शार, आकान्जी र भार्गास, तीनै जनाले आ-आफ्नो पेनाल्टी मिस गर्दा स्विट्जरल्यान्डको युरो कप २०२० यात्रा समाप्त भएको छ।

त्यस्तै यस जितसँगै तीन पटक युरो कप विजेता स्पेनले सेमी फाइनलमा स्थान पक्का गरेको छ। अब स्पेनले सेमिफाइनल खेलमा इटालीसँग वेम्बली मैदानमा प्रतिस्पर्धा गर्नेछ।

प्रकाशित मिति: २०७८,असार,१९,शनिवार ००:५१

प्रतिक्रिया दिनुहोस !
सम्बन्धित खबरहरु

काठमाडौं । ‘हिट ४९ प्रोफेसनल बक्सिङ च्याम्पियनसीप २०२१’को उपाधि बक्सर खेलाडी अविरल घिमिरे  ‘हिमचितुवा’ ले चुमेका छन् । विश्वका युवा

काठमाडौं । नेपालमा कोरोना संक्रमितको संख्यामा कमि आएको छ । परीक्षणको दरमा कमि भएसँगै कोरोना संक्रमितको संख्यामा समेत कमि आएको

काठमाडौं । नेपालमा पछिल्लो २४ घण्टामा थप ३ सय ९१ जनामा कोरोना संक्रमण पुष्टि भएको छ । देशभर कुल ८

काठमाडौं । सिन्धुपाल्चोकमा बस दुर्घटना भएको छ । सिन्धुपाल्चोकको लिसंखुपाखर गाउँपालिकाबाट काठमाडौं आँउदै गरेको बा २ ख ३२६४ नम्बरको बस

ताजा समाचार

दशैँको समयमा चार सडकआश्रितको उद्धार
 २०७८,आश्विन,३१,आईतवार १९:५०