काठमाडौं । नेपालमा पछिल्लो २४ घण्टामा थप २ हजार ४ सय २१ जनामा कोरोना संक्रमण पुष्टि भएको छ ।
योसँगै नेपालमा कोरोनाको कुल संक्रमितको संख्या ६ लाख ५६ हजार ८ सय ९१ पुगेको छ ।
जसमध्ये ६ लाख २७ हजार ८ सय ५४ जनाको पीसीआर र २९ हजार ३७ जनाको एन्टिजेन पुष्टि भएको स्वास्थ मन्त्रालयका प्रवक्ता डा. कृष्णप्रसाद पौडेलले जानकारी दिए । पछिल्लो २४ घण्टामा गरिएको कुल १२ हजार ४ सय १४ जनाको परीक्षण गर्दा सो परिमाणमा संक्रमित थपिएका हुन् ।
त्यसैगरी हालसम्म नेपालमा कोरोना संक्रमणको कारण मृत्यु हुनेको संख्या ८ हजार ८ सय ९४ पुगेको छ । पछिल्लो २४ घण्टामा मात्रै कोरोनाको कारण थप ८१ जनाको मृत्यु भएको हो ।
प्रवक्ता गौतमले दिएको जानकारी दिएसँगै हालसम्म कोरोना संक्रमणमुक्त हुनेको संख्या ५ लाख ६८ हजार ४ सय ४० पुगेको छ ।
पछिल्लो २४ घण्टामा थप ३ हजार ५ सय ५८ जना कोरोना संक्रमणमुक्त भएका हुन् ।
पछिल्लो समय नेपालमा कोरोना संक्रमितको संख्या घटिरहेको छ । यसैगरी हालसम्म नेपालमा कुल सक्रिय संक्रमितको संख्या ५० हजार ५ सय २० रहेको प्रवक्ता पौडेलले बताए ।
पछिल्लो २४ घण्टामा काठमाडौं उपत्याकामा थप ४ सय ९७ जनामा कोरोना संक्रमण पुष्टि भएको छ । जसमध्ये काटमाडौंमा ३४६, भक्तपुरमा ५७ र ललितपुुरमा ९४ जनामा कोरोना संक्रमण पुष्टि भएको हो ।
यो खबर पढेर तपाईलाई कस्तो महसुस भयो ?
प्रतिक्रिया