महिलालाई बलात्कारपछि जबरजस्ती गर्भपतन गराएको आरोपमा तमिलनाडुका पूर्वमन्त्री पक्राउ

काठमाडौं । भारतको तमिलनाडुका पूर्व मन्त्री एवम अन्नाद्रमुकका नेता मणिकन्दन पक्राउ परेका छन् । चेन्नाई सिटी प्रहरीले उनलाई बेंगलुरुबाट पक्राउ गरेको हो ।

नेता मणिकन्दनलाई एक महिलालाई बलात्कार गरेको, गर्भपतन गराएको र ज्यान मार्ने धम्की दिएको आरोपमा उनलाई पक्राउ गरिएको भारतीय प्रहरीले बताएको छ ।

अन्तर्राष्ट्रिय सञ्चार माध्यमका अनुसार नेता मणिकन्दनले ती महिलाको बलात्कार गरेका थिए । पछि उनी गर्भवती भएपछि उनको इच्छ्या विपरित गर्भपतन गराएका थिए ।

नेता मणिकन्दनले आफूले ती महिलालाई आफूले नचिनेको दाबी गरेका छन् । प्रहरीले नेता मणिकन्दनलाई पक्राउ गरि थप अनुसन्धान गरिरहेको बताएको छ ।