भक्तपुरमा एक बालक मृत अवस्थामा फेला

भक्तपुर । भक्तपुरको इँटा भट्टाको खाल्डोमा एक बालकको शव भेटिएको छ ।

महानगरिय प्रहरी परिसर भक्तपुरले दिएको जानकारी अनुसार चाँगुनारायण नगरपालिका ९, ताथलीमा राजु मछेका छोरा १० वर्षका रोजनको शव भेटिएको हो ।

शुक्रवार बिहान ११ः०० बजेको बालक हराएको र आसपास वरिपरि जान सक्ने ठाँउ तथा साथीभाईसँग बुझ्दा समेत फेला नपरेको जानकारी प्रहरीलाई प्राप्त भएको थियो ।

खोजतलास गर्दै जाँदा शनिवार (आज) मृतक बालकको घरको नजिकै रहेको सेतो बि.एम इँट्टा भट्टाको कम्पाउण्डमा रहेको खाल्डोमा पानी जमेको पोखरीमा उनको शव भेटिएको परिसरका डीएसपी दिपक गिरीले बताए ।

उक्त स्थानमा महानगरीय प्रहरी वृत्त जगाती भक्तपुरबाट प्रहरी निरिक्षक सुर्य बहादुर शाहीको कमाण्डको अनुसन्धान अधिकृतको टोली खटी गई घटनास्थल तथा शव जाँच मुचुल्काको कार्य गरिएको छ ।