‘त्यता के के हुँदै छ, यता बाढी पसेर, फेरि हामी दुःखीकै खायो मुटु-कलेजा’

‘त्यता केके हुँदै छ, यता बाढी पसेर
फेरि हामी दुःखीकै खायो मुटु–कलेजा
हामी भयौँ बेघरबार, हामी भयौँ बेघरबार
चरी लैजा समाचार, हामी भयौँ बेघरबार!’

देशमा हरेक वर्ष वर्षा मौसममा यस गीतले चर्चा पाउने गर्दछ । कवि तथा पत्रकार संगीत श्रोताको शब्द र लयमा अन्जान बाबु शर्मा र स्वयं श्रोताले यस गीतमा स्वर भरेका छन्।

वर्षात्को शुरुवातमा नै प्राकृतिक विपत्तिले नराम्ररी बित्याँस पारेको सिन्धुपाल्चोक, कास्की, पाल्पा, स्याङजा,मनाङ लगाएतका जिल्लामा मनसुनको पहिलो सातामा अर्बौको धनमाल नष्ट पारिसकेको छ ।

हालसम्म क्षतिको विवरण संकलन भई यकिन जानकारी नआईसकेको भएतापनि यतिबेला शोकमा डुबेको जिल्ला बासीले आँखैअगाडी घर जग्गा बगरमा परिणत भएको देख्नुपर्‍यो ।

हालसम्म प्राकृतिक विपत्तिले ४ जनाको मृत्यु भएको प्रहरी प्रधान कार्यालय नक्सालले बताएको छ । त्यस्तै, बाढी तथा पहिरोमा परेका सिन्धुपाल्चोकमा ६६ जना, कास्कीमा १ जना, पाल्पामा १ जना र स्याङजामा १ जना गरि ६९ जनाको प्रहरीले उद्दार गरेको छ ।

हेर्नुहोस् अविरल वर्षाको कारण देशका विभिन्न स्थानमा आएको बाढी, पहिरो र डुबानको प्रभाव :

 

 

 

 

 

 

 

तस्वीर : रासस