२२ श्रावण २०७८, शुक्रवार

डा. विपिन नेपालसँग रगतका रोचक कुरा (भिडियोसहित)

२०७८,जेष्ठ,३१,सोमवार १५:५४


रगत सम्बन्धी मानिसमा धेरै किसिमको विश्वास रहेको छ । आम मानिसमा रगत प्रति रहेको यो विश्वासलाई विज्ञानको अनुसन्धानले पुष्टि गर्न अझै सकेको छैन । जसको कारण चिकित्सा विज्ञानको क्षेत्रले त्यसलाई भ्रम मान्ने गरेको छ ।

हाम्रो समाजमा मात्र नभएर अन्य समाजमा पनि रक्त समूह अनुसार मानिसको स्वभाव फरक हुन्छ, यो–यो रक्त समूह बिच विवाह भएमा सन्तान राम्रो जन्मिन्छन्, एकै परिवार बिच विवाह हुँदा रगत गाढा हुन्छ, रक्तदान गरेमा शरीर कमजोर हुन्छ भन्ने जस्ता यावत किसिमका भ्रमहरू रहेको छ । यो विषयलाई चिकित्सा विज्ञानले के भन्छ भन्ने विषयमा ग्राण्डी अन्तर्राष्ट्रिय अस्पतालका रक्त सञ्चार विशेषज्ञ डा. विपिन नेपालसँग लोकपथले कुराकानी गरेको छ ।

कुराकानीको क्रममा डा. नेपालले रगतमा मानिसलाई जोगाउने तत्त्व पनि हुन्छ भने मृत्यु वरण गराउने कारक तत्त्व पनि हुन्छ । रगतबाटै मानिसलाई बचाउने धेरै किसिमका औषधिहरू निर्माण भइरहेको अवस्थामा नेपालमा भने हालै रगतलाई छुट्याउने प्रविधिको विकास भएको उनी बताउँछन् ।

गत वर्ष कोरोना सङ्क्रमणको पहिलो महामारी हुँदा डा. नेपाल र उनको समूहले कोरोना सङ्क्रमित भएर निको भएका व्यक्तिको दान गरेको रगतबाट प्लाज्मा झिकेर अन्य कोरोना सङ्क्रमित व्यक्तिलाई बचाउन महत्त्वपूर्ण भूमिका खेल्नु भएको थियो । अनुसन्धानकै क्रममा रहेको यो चिकित्सा विधिलाई अहिले नकारेर महँगो शुल्क पर्ने औषधि दिएर कोरोना सङ्क्रमितको उपचार भइरहेको छ । डा. नेपाल भन्नुहुन्छ– उक्त औषधि पनि परीक्षणकै क्रममा रहेको छ । प्लाज्मा थेरापी औषधी भन्दा सस्तो पर्ने हुनाले व्यापारीहरूको दबाबमा विस्थापित गरियो ।

रगतका विविध विषयमा केन्द्रित रहेर लोकपथले गरेको कुराकानीको भिडियो अंश ।

प्रकाशित मिति: २०७८,जेष्ठ,३१,सोमवार १५:५४

प्रतिक्रिया दिनुहोस !
सम्बन्धित खबरहरु

लकडाउन, कोरोना सङ्क्रमण आदिले मर्निङ वाक देखि एक्सरसाइज गर्न नपाएको कारण पक्कै पनि तपाईँहरूलाई आफ्नो तौल बढेको महसुस भइरहेको होला

हरियो सागपात खानका लागि जसले पनि विशेष रूपमा सिफारिस गर्ने गर्छन् । हुन पनि सागको फाइदा धेरै भएको कारणले पनि

काठमाडौं । नेपालमा कोरोना भाइरस (कोभिड(१९) को नयाँ भेरियन्ट भेटिएसँगै तेस्रो लहरको जोखिम बढेको छ । सरकारका निकायहरु एवं जनस्वास्थ्यविद्हरुले

उमेर बढ्दै गएपछि शरीरमा पनि विभिन्न किसिमका परिवर्तनहरू देखा पर्न थाल्छ । उमेर बढ्दै गएपछि शरीरको मांसपेशीहरू कमजोर हुन थाल्ने,

ताजा समाचार

इजरायलको रोजगारीमा ठगी धन्दा
 २०७८,श्रावण,२२,शुक्रवार ०७:४८