२०७८,श्रावण,११,सोमवार

प्रदेश नं. १ मा नीति तथा कार्यक्रम माथिको छलफल सकियो, कार्यान्वयनमा जोड

२०७८,जेष्ठ,२९,शनिवार २०:३१


विराटनगर । प्रदेश नं १ को प्रदेशसभाको बैठकमा वार्षिक नीति तथा कार्यक्रम माथि छलफल समाप्त भएको छ ।

प्रदेश प्रमुख सोमनाथ अधिकारी‘प्यासीले प्रदेश सभा नियमावली अनुसार प्रदेश सरकारको आर्थिक वर्ष २०७८/७९ को नीति तथा कार्यक्रम यही जेठ २७ गते बिहीबार प्रस्तुत गरेका थिए । सोही दिन मुख्यमन्त्री शेरधन राईले सदनमा वार्षिक नीति तथा कार्यक्रम टेबल समेत गरेका थिए ।

छलफलमा भाग लिँदै प्रदेशसभा सदस्य उत्तमकुमार बस्नेत, कुसुमकुमारी श्रेष्ठ, जयराम यादव, तुलसीप्रसाद न्यौपाने, झलकबहादुर मगर, विष्णु तुम्बाहाम्फे, मोहनकुमार खड्का, राजन राई, राजेन्द्रकुमार राई, लीलाबल्लभ अधिकारी, लीला सुब्बा, लोकप्रसाद सङ्ग्रौला र हिमाल कार्कीले नीति तथा कार्यक्रम वास्तविकतामा आधारित नभएर कल्पना मात्र भएको बताए । उनीहरुले सरकारले सुशासनको क्षेत्रमा कमजोर देखिएको, दलित, पीडितलाई समेट्न नसकेको, सरकारको आत्मबल घटेको जस्तो देखिएको, झुठको पुलिन्दा पढ्न योग्य भएपनि यथार्तमा केही पनि नरहेको टिप्पणी गर्दै सरकारले नीति तथा कार्यक्रम सच्याउन माग समेत गरे ।

यसैगरी सदस्यहरु अम्बिका थापा, आशारत्न जवेगु, उपेन्द्रप्रसाद घिमिरे, कुलप्रसाद सांवा, खिनुलम्वा लिम्बू, वशन्तीदेवी यादव, वीणादेवी राईले सरकारले ल्याएको नीति तथा कार्यक्रमको समर्थन गर्दै कार्यान्यनमा जोड दिए । यसैगरी उनीहरुले सरकारले कोभिड उपचार र रोकथामलाई पहिलो प्राथमिकतामा राखेकोमा खुशी व्यक्त गर्दै सरकारले कार्यक्रममा भौतिक पूर्वाधार, सिँचाई, खानेपानी, पुलपुलेसा तथा सबै वर्ग र क्षेत्रलाई समेटेको बताए ।

प्रदेशसभाको अर्को बैठक आइतबार दिउँसो २ बस्ने छ ।

प्रकाशित मिति: २०७८,जेष्ठ,२९,शनिवार २०:३१

प्रतिक्रिया दिनुहोस !
सम्बन्धित खबरहरु

काठमाडौं । जनता समाजवादी पार्टी (जसपा) नेपालको विवादमा उपेन्द्र यादव पक्षलाई आधिकारिकता दिएको निर्वाचन आयोगले महन्थ ठाकुर पक्षलाई छुट्टै दल

काठमाडौं । विवेकशील साझा पार्टीका संयोजक रवीन्द्र मिश्रले संघीयता खारेजीसहितका प्रस्ताव गरेका छन् । मिश्रले सोमवार ४४ पृष्ठ लामो धारणा

काठमाडौं । जनता समाजवादी पार्टी (जसपा) को आधिकारिकता उपेन्द्र यादव पक्षले पाएको छ । आज निर्वाचन आयोगले बहुमत सदस्यहरुको उपस्थितीपछि

काठमाडौं । नेकपा (एमाले) का स्थायी कमिटी सदस्य तथा पूर्व उपप्रधानमन्त्री रघुवीर महासेठले माधव नेपाललाई अध्यक्ष केपी शर्मा ओलीसरहको जिम्मेवारी

ताजा समाचार

बैंकिङ कसुर मुद्दामा फरार महिला पक्राउ
 २०७८,श्रावण,११,सोमवार १८:१४