३ कार्तिक २०७८, बुधबार

अभिनयले समाजमा घुलमिल गराउँछ (फाेटाेसुट)

२०७८,जेष्ठ,२९,शनिवार १६:१४


शंकरदेव क्याम्पसमा बिजनेस म्यानेजमेन्टमा ‘सिक्स्थ सेमेस्टर’ पढ्दै गरेकी निशा आचार्यको रुचि भने अभिनयकै क्षेत्रमा छ ।


पढाइबाट पाएको ज्ञानले व्यापार व्यवसाय गर्न सहयोग गरिहाल्छ नै तर आफूले इच्छाएको क्षेत्रमा केही गर्न पाएमा सन्तोष हुने उनी बताउँछिन् ।


दोलखा थातथलो भएकी निशा अहिले परिवारका साथ काठमाडौँ बस्दै आएकी छिन् । उनको घरमा आमा, बुवा र दिदी मात्र रहेका छन् । सानोमा उनले नाचेको देखेर आमा र दिदीले निकै हौसाउने गर्थे । उनीहरूको हौसलाले उनलाई नाच्नमा निकै रहर जाग्यो, उनले नृत्यको प्रशिक्षण पनि लिइन् । घरमा कोही पनि म जस्तो नाच्ने नभएको कारणले गर्दा नै परिवारले मलाई हौसला दिएको जस्तो लाग्छ निशा भन्छिन् ।

अभिनयले समाजमा चाडै घुलमिल गराउँछ भन्ने लागेरै उनलाई अभिनयको चस्का पसेको उनी बत्ताउँछिन् । अभिनय मार्फत समाजमा धेरै किसिमको परिवर्तन गर्न सकिन्छ भन्ने उनलाई लाग्छ । त्यसैले उनले गत वर्ष देखि नै अभिनयको प्रशिक्षण लिने प्रयास गरिन् । एक पटक थिएटरमा गएर अभिनयको भर्ना हुन जाँदा सिट सकिसकेको रहेछ । त्यसपछि कोरोना सङ्क्रमण फैलिएको कारण उनको इच्छा अझै अधुरो रहेको छ । निशा भन्छिन्– अनुकूल हुने बित्तिकै म अभिनय सिकेर कलाकार नै बन्छु ।


५ फिट ३ इन्च अग्ली निशा आफूलाई अहिले अभिनयको स्ट्रग्लिङ फेजमा छु भन्ने ठान्छिन् । अभिनयमा आउनलाई उनले फोटोसुट पनि बेला बेलामा गर्छिन् । उनको फोटोहरूलाई हेरेर साथीहरूले पनि अभिनयमा जान हौसाइ रहेका हुन्छन् । अभिनयमा ब्याचलर मात्र गर्न पाएपनि मलाई अभिनयको ढोका खुल्थ्यो कि भन्ने लागिरहेको छ –निशा भन्छिन् ।


फुर्सदमा डान्स गर्न मन पराउने निशालाई फरक किसिमका मानिसहरूसँग कुराकानी गर्न पनि उत्तिकै मन पर्छ । यस्ता कुराकानीले अरूको अनुभव, स्ट्रगल थाहा हुन्छ उनी भन्छिन् । यो बाहेक उनको रुचि भनेको घुम्ने पनि रहेको छ ।


जन्म थलो दोलखा र कर्मथलो काठमाडौँ मन पराउने निशालाई पोखरा र मुस्ताङ पनि उत्तिकै मनपर्छ । तर पनि उनलाई अलि टाढा कुनै प्राकृतिक ठाउँ भएमा घुम्न औधी मन पर्छ ।


गुलियो खानेकुरा खासै मन नपराउने निशालाई नेपाली खाना नै बढी मनपर्छ । यो बाहेक उनको प्रिय खानामा ममः पनि पर्छ । साथीहरूसँग ह्याङ आउट हुँदा उनी स्ट्रिट फुड पनि चाख्छिन् । निशा भन्छिन् म डाईटिङ खासै गर्दिन तर एक्सरसाइज भने गर्छु ।


क्याजुयल ड्रेस नै कन्फरटेवल लाग्ने निशालाई गाउन, वान पिस लुगा लगाउन पनि औधी मन पर्छ ।


तस्विरहरूः महेश प्रधान

प्रकाशित मिति: २०७८,जेष्ठ,२९,शनिवार १६:१४

प्रतिक्रिया दिनुहोस !
सम्बन्धित खबरहरु

काठमाडौं । कोरोनाले कोल्याप्स भएको फिल्म क्षेत्र बौरिने क्रममा छ । उद्योग भनिएपनि ब्यवहारमा उद्योग नबन्दा यस क्षेत्रले अनेकन अवरोध

काठमाडौं । बलिउड अभिनेत्री शिल्पा शेट्टीले इन्स्टाग्राममा एउटा नयाँ भिडियो पोस्ट गरेकी छिन्। भिडियोमा शिल्पा शेट्टी वर्कआउट गर्नु अघि कपाल

विश्वको चलचित्र क्षेत्रमा सधैँ हलिउडले छलाङ मार्दै आएको मा यस पटक भने रसियन चलचित्र निर्माता र कलाकारहरूको टोलीले बाजी मारेका

काठमाडौं । बलिउड स्टार शाहरुख खानको छोरा आर्यन खान ड्रग्स मुद्दामा आर्थर रोड जेलमा रहेका छन्। आर्यन जेलमा सामान्य कैदीहरु

ताजा समाचार