२०७८,असार,४,शुक्रवार

मोहन बानिया : राजनीतिमा लागेको ४२ वर्षपछि मन्त्री


काठमाडौं । प्रधानमन्त्री केपी शर्मा ओलीले आज गरेको मन्त्रिपरिषद् विस्तारमा मुगुका मोहन बानियालाई बिनाविभागीय मन्त्री बनाएका छन् ।

प्रधानमन्त्री ओलीले प्रधानमन्त्री तथा मन्त्रिपरिषद्को कार्यालय हेर्नेगरी बानियालाई मन्त्री बनाएका हुन् ।

२०२० साल माघ १५ गते मुगुमा जन्मेका बानियाले २०३६ सालबाट राजनीति शुरु गरेका हुन् । उनी २०६४ मा तत्कालीन एमालेको मुगु जिल्ला कमिटी सचिव भएका थिए भने २०६९ मा उनी अध्यक्ष बनेका थिए । २०७१ मा भएको नवौं महाधिवेशनबाट उनी एमालेको केन्द्रीय सदस्य बनेका थिए । दोस्रो संविधानसभा निर्वाचन २०७० मा मुगुबाट प्रत्यक्ष निर्वाचित बानियाँ ०७४ मा मुगुबाट समानुपातिक तर्फको प्रतिनिधिसभा सदस्य बनेका थिए । २०४८ र २०५४ मा मुगु जिल्ला विकास समिति सभापति बनेका बानियाँले सुकुम्बासी समस्या समाधान आयोग मुगुको अध्यक्ष भएर पनि काम गरेका छन् । त्यस अघि बानियाँ २०४० देखि २०४८ सम्म स्थायी शिक्षक थिए ।

एमालेमा आन्तरिक कलह बढिरहेका बेला बानिया शुरुदेखिनै ओली पक्षमा खुलेर लागेका हुन् । त्यसैकारण ओलीले उनलाई मन्त्री बनाएका हुन् । बानियाले आजै पद तथा गोपनियताको सपथ लिएका छन् ।

प्रकाशित मिति: २०७८,जेष्ठ,२७,बिहीवार १९:५८


प्रतिक्रिया दिनुहोस !
सम्बन्धित खबरहरु

काठमाडौं । नेपाली कांग्रेसका सभापति शेरबहादुर देउवाले पूर्व सांसद कृष्णसिंह परियारको निधनप्रति दुख व्यक्त गरेका छन् । २०४८ सालमा बाँकेबाट

काठमाडौं । गण्डकी प्रदेशका मुख्यमन्त्री कृष्णचन्द्र नेपाली पोखरेलले विश्वासको मत प्राप्त गरेका छन् । गत जेठ २९ गते संविधानको धारा

काठमाडौं । नेकपा (एमाले) कर्णाली प्रदेश संसदीय दलको बैठकले नेकपा (माओवादी केन्द्र) नेतृत्वको सरकारका सहभागी तीन मन्त्रीलाई तत्काल पदबाट राजीनामा

काठमाडौं । जनता समाजवादी पार्टी (जसपा) को उपेन्द्र-बाबुराम पक्ष आधिकारीता दाबीका लागि निर्वाचन आयोग पुगेका छन् । बिहीवार बसेको जसपा