२२ श्रावण २०७८, शुक्रवार

तौल चाँडै घटाउन यि खानालाई मिलाएर खानुहोस्

२०७८,जेष्ठ,२८,शुक्रवार ०७:००


अधिकांश मोटो व्यक्तिहरूको खानेकुरामा धेरै रुचि रहन्छ । उनीहरूको मनले ‘धेरै मोटाइयो अब खाना कम गरौँ’ भन्ने नै हुन्छ । तर खाना खाँदा उनीहरू आफ्नो भनाइलाई व्यवहारमा कहिल्यै उतार्न सक्दैनन् र खाना खाँदा सधैँ नियन्त्रण भन्दा बाहिर जाने गर्छन् ।

यो बाहेक मोटो शरीर भएका व्यक्तिहरूले शरीरको तौल घटाउन लामो समय ब्यायाम पनि गर्न सक्दैनन् । जसको कारणले उनीहरूले आफ्नो तौललाई घटाउन त के नियन्त्रण गर्न पनि सकिरहेका हुँदैनन् । त्यसैले मोटो शरीर भएका व्यक्ति जो आफ्नो तौललाई सधैँ घटाउन चाहिँ रहेका हुन्छन् उनीहरूले आफ्नो खानामा यी कुराहरू मिसाएर खाएमा तौल घट्नु साथै नियन्त्रणमा पनि राख्न सक्छन् ।

तौल बढ्नुको मुख्य कारण खाना नै हो भने तौल घटाउने र तौललाई नियन्त्रण गराउने तत्त्व पनि खानेकुरा नै हो । डाइटिसियनहरूका अनुसार मोटो शरीर भएका व्यक्तिले कम क्यालोरी भएका खानेकुराहरू खानु पर्छ । मोटो शरीर भएका व्यक्तिहरूले आफ्नो खानामा हरियो पात भएका तरकारीहरू, कागती, अम्बा, सुन्तला, सलाद, मेवा, सुप, टुसा उम्रेका गेडागुडीलाई नियमित जस्तो समावेश गर्नुपर्छ । यी खानेकुरा बाहेक केही खानेकुराहरूलाई मिलाएर खाएमा तौल बढ्नमा नियन्त्रण आउनुका साथै घट्न समेत मद्दत गर्छ ।

दलिया र ओखर

दलिया र ओखरलाई एक साथ मिलाएर खाने गरेमा पनि यसले तौल नियन्त्रण गर्न र घटाउनलाई मद्दत गर्छ । दलिया धेरै नै हलुका खानेकुरा मानिन्छ । यसमा फाइवरको मात्रा प्रचुर हुने गर्छ । यसको सेवनले पाचन प्रणालीलाई बलियो बनाउँछ । यस्तै ओखरमा पनि धेरै किसिमका पोषक तत्त्वहरू रहेको हुन्छ । यसमा रहेको पोषक तत्त्वले तौल घटाउन मद्दत गर्छ । त्यसैले मोटोपन भएको व्यक्तिले नियमित दलिया र ओखरको मिश्रण गरेर सेवन गरेमा तौललाई नियन्त्रण गर्नुका साथै तौल घटाउन पनि सक्छन् ।

पुदिना, कागती र ग्रिन टी

प्रायः जसो व्यक्तिहरू आफ्नो तौल घटाउनका लागि कागतीको पानीमा ग्रिन टी वा लेमन टी खाने पिउने गर्छन् । यसरी खाने चियाको मिश्रणमा तपाईँले पुदिनाको पात वा त्यसको रस पनि थप्नु भयो भने यो अझ प्रभावकारी हुने गर्छ । पुदिना, कागतीको रस र ग्रिन टीको सेवनले तपाईँको शरीरमा चाहिने पानीको मात्रालाई कायम राख्छ । पुदिनाको पातको सेवनले भोक लाग्ने गतिलाई नियन्त्रण गर्छ । जसको कारण यस्तो किसिमको चिया खाएपछि तपाईँलाई लामो समयसम्म भोक लाग्दैन । जसको कारण तपाईँलाई तौल नियन्त्रण गर्न मद्दत मिल्छ ।

दही र दालचिनी

आफ्नो तौल घटाउन चाहने व्यक्तिले आफ्नो खानामा दही र दालचिनी मिलाएर पनि गर्न सक्नुहुन्छ । दहीको सेवन स्वास्थ्यका लागि लाभदायक मानिन्छ । दहीमा रहेको राम्रो ब्याक्टेरियाले पेटलाई धेरै नै फाइदा समेत गर्छ । यदि दही खाने गर्नु भएको छ भने त्यसमा एक चिम्टी दालचिनीको धुलोलाई मिसाएर खानु भयो भने झनै राम्रो हुन्छ । दालचिनीमा एन्टिअक्सिडेन्ट र अन्य पौष्टिक तत्त्वहरू रहेको हुन्छ । जसले शरीरमा रहेको बोसोलाई पगाल्ने काम पनि गर्छ ।

यी उपायहरूलाई तपाईँले केही दिन मात्र नभएर आफ्नो दैनिक खानपिनको शैलीमा स्थापित गर्नु भयो भने धेरै नै फाइदा हुने डाइटिसियनहरु बत्ताउँछन् ।

प्रकाशित मिति: २०७८,जेष्ठ,२८,शुक्रवार ०७:००

प्रतिक्रिया दिनुहोस !
सम्बन्धित खबरहरु

लकडाउन, कोरोना सङ्क्रमण आदिले मर्निङ वाक देखि एक्सरसाइज गर्न नपाएको कारण पक्कै पनि तपाईँहरूलाई आफ्नो तौल बढेको महसुस भइरहेको होला

हरियो सागपात खानका लागि जसले पनि विशेष रूपमा सिफारिस गर्ने गर्छन् । हुन पनि सागको फाइदा धेरै भएको कारणले पनि

काठमाडौं । नेपालमा कोरोना भाइरस (कोभिड(१९) को नयाँ भेरियन्ट भेटिएसँगै तेस्रो लहरको जोखिम बढेको छ । सरकारका निकायहरु एवं जनस्वास्थ्यविद्हरुले

उमेर बढ्दै गएपछि शरीरमा पनि विभिन्न किसिमका परिवर्तनहरू देखा पर्न थाल्छ । उमेर बढ्दै गएपछि शरीरको मांसपेशीहरू कमजोर हुन थाल्ने,

ताजा समाचार

इजरायलको रोजगारीमा ठगी धन्दा
 २०७८,श्रावण,२२,शुक्रवार ०७:४८