सासंदहरुलाई भोलिदेखि कोभिसिल्ड खोपको दोस्रो डाज लगाइँदै

काठमाडौं । प्रतिनिधि सभाका सभामुख, राष्ट्रिय सभाका अध्यक्ष संघीय ससंद सचिवालयका कर्मचारी लगायतलाई शुक्रवार (भोलि) देखि कोभिसिल्ड खोपको दोस्रो डोज लगाइने भएको छ ।

संघीय संसद सचिवालयले एक सूचना जारी गरी पहिलो चरणको कोभिसिल्ड खोप लगाई आठ हप्ता पुगिसकेकाले शुक्रवारदेखि खोप लगाइने जनाएको हो ।

भोलिदेखि जेठ २ गतेसम्म अन्तर्राष्ट्रिय सम्मेलन केन्द्रको ल्होत्से हलमा बिहान १० बजेदेखि दिउसो ४ बजेसम्म खोप कार्यक्रम संचालन हुने बताइएको छ।

सभामुख, अध्यक्ष, उपाध्यक्ष लगायत प्रतिनिधि सभा र राष्ट्रिय सभाका सबै सदस्यहरु लगायतलाई भोलिदेखि अन्तर्राट्रिय सम्मेलन केन्द्रमा खोप लगाइने सूचनामा उल्लेख छ।

खोप लगाउन जाँदा कोभिसिल्ड खोप लगाएको खोप कार्ड अनिवार्य रुपमा साथमा लैजान सचिवालयले आग्रह गरेको छ।