२०७८,असार,८,मंगलवार

सुएज नहर विस्तार गर्ने इजिप्टको योजना


काठमाडौं । इजिप्टले सुएज नहरको दक्षिणी भागलाई अझ फराकिलो र गहिरो बनाउने योजना अगाडि सारेको छ । गत मार्चमा यस नहरमा एउटा विशाल कार्गो पानीजहाज नहरमा तेर्सिएपछि केही दिन यस नहरबाट हुने जहाजको ओहोरदोहोर रोकिएको थियो ।

सुएज क्यानल अथोरिटीका प्रमुख लेफ्टिनेन्ट जनरल ओसामा राबीले इस्मालिया शहरमा आयोजित समारोहमा सम्बोधन गर्दै योजनाको विस्तृत विवरण प्रस्तुत गरेका छन् । इजिप्टका राष्ट्रपति अब्देल–फताह अल–सिसी र सरकारका उच्च पदाधिकारी उक्त समारोहमा सहभागी भएका थिए ।

जनरल राबीका अनुसार नहरको दक्षिणतर्फ करिब ४० मिटर फराकिलो बनाइने छ । यस क्षेत्रलाई हाल ६६ फिट गहिराईलाई बढाएर ७२ फिट बनाइने छ । त्यस क्षेत्रमा नहरको कूल लम्बाई ३० किलोमिटर रहेको छ ।

साथै प्रस्तावित योजनामा सन् २०१५ मा खुला गरिएको नहरको दोस्रो लेनको विस्तार पनि रहेको छ । यसबाट बढीभन्दा बढी जहाजहरु ओहोरदोहोर गर्न सक्नेछन् ।

गत मार्च २३ मा नहरमा अड्किएको एभर गिभेन नामको कार्गो पानीजहाज यही एकल लेनमा फसेको थियो । यस पानीजहाजलाई अझै पनि सुएज क्यानल अथोरिटी र जहाज धनीबीच आर्थिक विषयमा उत्पन्न विवादका कारण ग्रेट बिटर लेकमै राखिएको छ ।

विश्व व्यापारको करिब १० प्रतिशत सामान यही नहर हुँदै ओहोरदोहोर गर्ने गर्दछ । यो नहर इजिप्टका लागि एउटा प्रमुख वैदेशिक मुद्रा आर्जनको स्रोत बनेको छ । सरकारी विवरण अनुसार गत वर्ष सन् २०२० मा यस नहरहुँदै करिब १९ हजार जहाज ओहोरदोहोर गरेका थिए ।

  • एजेन्सी

प्रकाशित मिति: २०७८,बैशाख,२९,बुधबार १५:५२


प्रतिक्रिया दिनुहोस !
सम्बन्धित खबरहरु

काठमाडौं । दक्षिण कोरियाली कम्पनी एसके बायोसाइन्सले विश्वव्यापी खोप उत्पादनको केन्द्र बन्नेगरी काम सुरु गरेको छ । एसके बायोसाइन्सले उत्तर

काठमाडौं । जोन्स हप्किन्स विश्वविद्यालयले दिएको पछिल्लो विवरणअनुसार विश्वभरमा कोरोना सङ्क्रमितको संख्या सत्र करोड ८७ लाख ८८ हजार २४७ जना

काठमाडौं । एप्पल र सामसुङ इलेक्ट्रोनिक्सले ट्याब्लेट कम्प्युटरको बजारमा क्रमशः पहिलो र दोस्रो स्थान ओगट्न सफल भएका छन् । २१

काठमाडौं । अमेरिकाको कोलोराडो राज्यको अर्वदा शहरमा सोमवार भएको गोली काण्डमा परेर तीन जना मारिएका छन् । अर्वदा शहरको प्रहरी

सेनाद्वारा काठेपुल निर्माण
 २०७८,असार,८,मंगलवार १६:२४