३ कार्तिक २०७८, बुधबार

एमालेद्वारा २१ जनाको नाम सिफारिस

२०७४,आश्विन,२०,शुक्रवार ०९:५२


चितवन, २० असोज ।आगामी मंसिर २१ गते हुने प्रतिनिधिसभा र प्रदेशसभा सदस्य निर्वाचनका लागि नेकपा (एमाले) चितवनल २१ जनाको नाम सिफारिस गरेको छ ।जिल्ला कमिटीको हिजो सम्पन्न बैठकले क्षेत्रबाट आएका नामलाई अनुमोदन गरी केन्द्रीय समितिमा सिफारिस गरेको हो ।प्रतिनिधिसभा सदस्य निर्वाचनका लागि प्रत्यक्षतर्फ क्षेत्र नं १ बाट पूर्व अर्थमन्त्री सुरेन्द्र पाण्डेको नाम सर्वसम्मत् रुपमा सिफारिस गरिएको सो पार्टीले जनाएको छ । त्यसैगरी क्षेत्र नं २ बाट पार्टी अध्यक्ष एवं सांसद कृष्णभक्त पोखरेलको नाम सिफारिस गरेको छ । पोखरेल यसअघि पनि चितवन क्षेत्र नं ३ बाट सांसद बन्नुभएको थियो ।यसैगरी क्षेत्र नं ३ बाट चार जनाको नाम सिफारिस गरिएको छ । सिफारिस हुनेमा घनश्याम भट्टराई, शंकर थपलिया, रविकिरण पौडेल र सूर्य जमरकट्टेल हुनुहुन्छ ।त्यस्तै प्रदेशसभा सदस्य निर्वाचनका लागि प्रत्यक्षतर्फ क्षेत्र नं १ (क) बाट दावा दोर्जे लामा र डा कृष्ण पन्त तथा (ख) बाट कृष्ण खनाल, क्षेत्र नं २ (क) बाट विजय सुवेदी र (ख) बाट तेजेन्द्रबहादुर खड्का, क्षेत्र नं ३ (क) बाट कृष्ण भूर्तेल र (ख) बाट रामप्रसाद न्यौपाने, प्रकाश ढुंगाना, लीला आचार्य, प्रेम तिमिल्सिना, सुदिप रेग्मी, कल्पना सापकोटा, श्याम विष्ट, शान्तराज आचार्य र श्रीमान् थिङको नाम सिफारिस गरिएको नेकपा एमाले चितवनका प्रचार विभाग प्रमुख खोमकान्त रेग्मीले जानकारी दिए ।समानुपातिक तर्फको नाम भने टुंगो लाग्न सकेको छैन । 

प्रकाशित मिति: २०७४,आश्विन,२०,शुक्रवार ०९:५२

प्रतिक्रिया दिनुहोस !
सम्बन्धित खबरहरु

बागमती । नेपाल कम्युनिष्ट पार्टी (एमाले) वाग्मती प्रदेश संसदीय दलले वाग्मती प्रदेशसभाको बिहिबार बस्ने भनिएको बैठकको मिति सार्न माग गरेको

काठमाडौं । बागमती प्रदेशको प्रदेश सभामा मुख्यमन्त्री अष्टलक्ष्मी शाक्यले विश्सावको मत लिने प्रस्ताव पेश भएको छ । मुख्यमन्त्री शाक्यले आइतबारको

बागमती । बागमती प्रदेशकी मुख्यमन्त्री अष्टलक्ष्मी शाक्यले नेपालमा मनाइने विभिन्न चाडपर्वले सामाजिक एकता कायम गरेको बताएकी छन् । विजया दशमी,

चितवन । जिल्लामा दशैँदेखि तिहारसम्म ३० हजारभन्दा बढी खसीबोका खपत हुने अनुमान गरिएको छ । जिल्लाको उत्पादन ८० प्रतिशत यही

ताजा समाचार